Kevin Sekniqi, sipërmarrësi i ri shqiptar, i renditur nga “Forbes” në listën e 30 sipërmarrësve më të suksesshëm nën moshën 30 vjeç, ndau përvojën e tij në podcastin “Flasim” të kryeministrit Edi Rama.
Sekniqi, nga Shkodra jeton prej vitesh në Shtetet e Bashkuara të Amerikës, vlerësoi zhvillimin që ka pësuar Tirana si një kryeqytet europian. Ai theksoi mundësinë e bashkëpunimeve në fushën e start up-eve dhe sipërmarrjeve inovatore.
Ai theksoi se, “Tirana është zhvilluar shumë s’ma merrte mendja. Unë jam duke punuar për të gjetur një vend një apartament këtu me jetu. Kam qejf t’i zhvilloj marrëdhëniet më shumë. Grupi i personave që kanë qejf të krijojnë biznese sipërmarrëse, nuk e di sa do të jenë ata që kanë këtë talent, por jam optimisht dhe dua të krijon këtë marrëdhënie më shumë. Dua që pas 10 vitesh ta dijë dhe bota që Shqipëria ka një sektor start up-esh shumë të mirë, sepse tani nuk e dinë as ku është në hartë”.
Kryeministri Edi Rama, tha se po punohet për dy projekte të ngjashme me Piramidën si qendër teknologjike, në Vlorë dhe Shkodër, duke e ftuar Sekniqin të kontribuojë në këtë drejtim.
Lidhur me renditjen në Forbes Sekniqi u shpreh se nuk e kishte pritur,
Sipas tij, “Më bënë një intervistë, iu përgjigja disa pyetjeve, më vonë mora vesh që ishte lista se as unë nuk dija gjë. Por është listë interesante”.
Kevin Sekniqi është bashkëthemeluesi i Ava Labs. Ai ka rol thelbësor në krijimin e Avalanche, me mbi tre milionë përdorues, si dhe në krijimin e AVAX, një kriptovalutë me vlerë tregu rreth 4 miliardë dollarë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English