Nga Eni Muça – Business Magazine riktheu edhe në fund të vitit që lam pas votimet për liderët e vitit në biznes, duke vendosur sërish në qendër zërin e publikut dhe audiencës, si një element kyç në mënyrën se si ndërtohet besimi ndaj figurave publike, sipërmarrësve dhe projekteve inovative.
Në një kohë kur reputacioni, imazhi dhe ndikimi shoqëror janë po aq të rëndësishëm sa performanca financiare, ne vendosëm edhe një herë të bëhemi zëri i audiencës që na ndjek dhe komunitetit të biznesit, duke rikthyer konkursin vjetor “Business Leaders”.
Këtë vit, konkursi erdhi me më shumë fusha zgjedhjeje, duke vendosur në fokus tipologji biznesi dhe profile që kanë marrë peshë të veçantë vitet e fundit: influencues që kanë krijuar komunitete të forta rreth vlerave, sipërmarrës me ndikim real në zhvillimin e qëndrueshëm, startup-e inovative dhe të rinj nga diaspora që po ndërtojnë ura mes Shqipërisë dhe botës.
Kategoritë për vitin 2025
- Sipërmarrësi/ja i vitit
- Startupi i vitit
- Influencuesi/ja i vitit
- Ylli i diasporës
Procesi i votimit u ndërtua në dy faza:
Fillimisht, publiku nominoi emrat që mendonte se meritonin të ishin në garë. Më pas, kandidatët më të votuar kaluan në fazën finale, ku votimi ishte i përditshëm deri në ditën e fundit. Në disa kategori, gara ishte aq e ngushtë sa fituesi u vendos me diferenca minimale votash. Ky është edhe thelbi i Business Leaders: nuk fiton ai që ‘duket’ më shumë, por ai që vlerësohet më shumë nga publiku për kontributin e tij.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
