Një studim zbulon se algoritmi i inteligjencës artificiale mund të shfrytëzohet nga aktorë dashakeqë për të vjedhur fjalëkalimet (password) e përdoruesve, duke analizuar tingujt e goditjeve të tasteve, me një saktësi thuajse të pagabueshme.
Studimi i detajuar, i kryer nga universiteti Cornell tregonte se programi i inteligjencës artificiale (AI) demonstronte një performancë të përkryer në riprodhimin e fjalëkalimeve, me një saktësi prej 95%, kur aktivizoheshin nga një celular pranë tyre.
Grupi i studiuesve britanikë përdorën modelin AI për të identifikuar tungujt e prodhuar nga goditjet e tasteve të një laptop-i 2021 MacBook Pro, që është nga modelet më të perdorura nga publiku.
Programi AI tregoi saktësi edhe gjatë një video-konference me Zoom, duke interpretuar tingujt e regjistruar nga mikrofoni laptopit.
Studiuesit thanë se kjo teknikë, e cila njihet si “sulm i kanalit akustik,” është një kërcënim serioz i vjedhjes së të dhënave, siç janë aktivitete delikate të fjalëkalimeve personale.
Lexo: Arsyeja pse liderët jokonvencionalë janë rruga e së ardhmes
Për të zbuluar saktësinë e veprimeve, studiuesit bënë 36 shtypje tastesh në laptop, duke shtypur secilën prej tyre 25 herë me forcë të ndryshme apo gishta të ndryshëm. Programi AI arrinte të dallonte aspekte të ndryshme të secilës goditje të tasteve, duke përfshirë deh gjatësinë e valës.
Tingujt u regjistruan me mikrofonin e laptopit dhe me një celular iPhone 13 të vendosur rreth 17 centimetra larg tastierës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
