Një konkurs inovator do të bashkojë dhjetëra të rinj të apasionuar pas teknologjisë dhe bujqësisë. Qyteti i Korçës mirëpret AgriChallenge, i cili kulmon përpjekje disamujore për edukim dhe ndërgjegjësim rreth inovacionit në bujqësi.
Me mbështetjen e Qeverisë Gjermane, përmes GIZ dhe në bashkëpunim me Ministrinë e Bujqësisë dhe Zhvillimit Rural dhe Bashkinë Korçë, Hackathoni AgriChallenge vjen për të sfiduar novatorët e qarkut të Korçës, por edhe të rinjtë përtej këtij qarku, të zgjidhin çështjet më urgjente me të cilat përballet bujqësia moderne.
Zhvillimi teknologjik ka sjellë vështirësi të shumta për sektorin e bujqësisë nga papunësia, tek mundësitë e reja apo rritja e produktivitetit bujqësor përmes teknologjisë. Por, sfida e madhe sot për këtë sektor është tek shkrirja e teknologjisë me agrikulturën, si një mundësi për të kapërcyer çdo problem me të cilën përballet bujqësia në Shqipëri.
Inovacioni teknologjik në bujqësi, jo vetëm që adreson reduktimin e forcës punëtore, por edhe përmirëson sistemet e prodhimit bujqësor. Hackathoni AgriChallenge synon të identifikojë problemet me të cilat përballet sektori dhe të zbulojë zgjidhje, duke ftuar të rinjtë të bëhen pjesë e kësaj nisme transformuese për mbarë qarkun e Korçës.
Të rinjtë mund të aplikojnë deri më 15 Shkurt 2022 për të adresuar probleme si: sistemet e identifikimit për njerëzit dhe kafshët në fermë, informim dhe këshillim në ferma, sisteme mbikëqyrëse, diagnostikimi i sëmundjeve dëmtuese në bujqësi, sisteme autonome dhe përdorim të dronëve, përmirësim i proceseve të fermës si ujitja dhe plehërimi, digjitalizimi i proceseve të shitjeve dhe marketimit dhe projekte që automatizojnë ndërveprimin mes fermerëve dhe ekspertuesve.
3 projektet më të mira që dalin nga Hackathoni AgriChallenge me një finale një total prej 7 grupesh do të mbështeten financiarisht në vlerën e 3,000 eurove ndërsa Idetë e tyre do të gëzojnë mbështetje të vazhdueshme këshilluese dhe mentoruese gjatë ndërtimit të prototipit.
Hackathtoni organizohet në formën e një Selection Bootcamp përgjatë 1 dite të plotë, ku grupet pjesëmarrëse do të mentorohen dhe mbështeten gjatë formësimit të idesë. Idenë do ta prezantojnë përballë një jurie ekspertësh.
Finalistët e Selection Bootcamp do të arrijnë të ndërtojnë prototipa të gatshëm për t’u testuar dhe aplikuar më pas në terren.
Hackathoni AgriChallenge synon të shndërrohet në një katalizator zgjidhje për të reduktuar përditësimin e inputeve dhe nxitur transformimin e proceseve në prodhimin bujqësor, duke shkuar nga fara tek mekanizmi ekonomik, vetëm përmes ndërlidhjes teknologjike e digjitale.
Aplikimet në AgriChallenge Hackathon mund të bëhen vetëm online përfaqes faqes zyrtare: https://agrichallenge.al/.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
