Innovation Challenge Fund - Hapet thirrja e tretë për aplikime! - Business Magazine Albania

Innovation Challenge Fund – Hapet thirrja e tretë për aplikime!

Innovation Challenge Fund - Hapet thirrja e tretë për aplikime!
~4 minuta lexim

Lajm i mirë për sipërmarrësit inovativë! Challenge Fund ka hapur thirrjen e tij të tretë për aplikime, duke ofruar mbështetje financiare dhe mentorim për startupet dhe bizneset në rritje që synojnë të sjellin risi në tregun shqiptar.

Ky fond është pjesë e programit “EU for Innovation”, financuar nga Bashkimi Evropian, Ministria Federale Gjermane për Bashkëpunim dhe Zhvillim Ekonomik (BMZ) dhe Agjencia Suedeze për Zhvillim Ndërkombëtar (Sida), e zbatuar nga GIZ GmbH dhe Ambasada Suedeze në Tiranë.

Kush mund të aplikojë?

Challenge Fund u ofron mbështetje sipërmarrësve dhe bizneseve që janë në faza të ndryshme të zhvillimit:

  • LOT 1 – Faza e Idese dhe Validimit: Për sipërmarrës individualë ose ekipe që janë në fazat e hershme të një ideje biznesi inovative. (Nuk kërkohet regjistrim në QKB).
  • LOT 2 – Faza e Rritjes: Për biznese të regjistruara brenda 12 muajve nga data e publikimit të thirrjes.
  • LOT 3 – Faza e Zhvillimit: Për biznese të regjistruara mes 13 muajve dhe 6 viteve nga data e publikimit të thirrjes.

Për sa fonde mund të aplikoni?

Fondet e ofruara për secilin nivel aplikimi janë si më poshtë:

  • LOT 1: Deri në 10,000 EUR (5% bashkëfinancim)
  • LOT 2: Deri në 20,000 EUR (20% bashkëfinancim)
  • LOT 3: Deri në 30,000 EUR (30% bashkëfinancim)

Sektorët prioritarë

Challenge Fund synon të mbështesë sipërmarrjet që operojnë në sektorë të rëndësishëm për zhvillimin ekonomik dhe social:

  • Turizmi dhe industritë e lidhura
  • Bujqësia dhe industritë e saj ndihmëse
  • Ekonomia e gjelbër, përfshirë inovacionin klimaterik dhe energjinë e rinovueshme
  • Teknologjia e Informacionit dhe Komunikimit (TIK) si një faktor kyç në sektorë të ndryshëm

Lexo edhe:Hapet raundi i dytë i propozimeve për 𝐂𝐡𝐚𝐥𝐥𝐞𝐧𝐠𝐞 𝐅𝐮𝐧𝐝

Çfarë ofron Challenge Fund për fituesit?

Jo vetëm fonde! Përfituesit do të kenë akses në: Trajnime për ngritjen e kapaciteteve në biznes
Trajnime për menaxhimin e grantit
Mentorim sipas nevojave të biznesit gjatë periudhës së implementimit
Seminare për të ndarë përvoja dhe krijuar partneritete të reja
Ekspozim dhe promovim në tregun vendas dhe ndërkombëtar

Procesi i aplikimit dhe vlerësimit

Aplikimet do të jenë të hapura nga 7 shkurt deri më 17 mars 2025
Vlerësimi i propozimeve do të zhvillohet nga marsi deri në qershor 2025

Procesi i përzgjedhjes do të zhvillohet në tre faza:

Kontrolli administrativ
Vlerësimi teknik, i cili përfshin edhe vizita në terren
Prezantimi para një paneli ekspertësh, ku do të përzgjidhen projektet më të mira për financim

Si të aplikoni?

Aplikimet pranohen vetëm online në platformën zyrtare:
apply.challengefund.euforinnovation.al

Mos e lini për në momentin e fundit! Procesi i aplikimit kërkon një analizë të detajuar të biznesit tuaj. Lexoni Udhëzuesin për Aplikantët dhe konsultohuni me formularët offline përpara se të plotësoni aplikimin online.

Keni pyetje? kontaktoni në:
challengefund@euforinnovation.al

Kjo është mundësia juaj për të çuar përpara një ide inovative dhe për të marrë mbështetje financiare për zhvillimin e biznesit tuaj.

eu4innovation

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0