Të dhënat e fundit të Bankës së Shqipërisë tregojnë se, kredia për individë u rrit rreth 8% në tremujorin e dytë të këtij viti, duke ruajtur të njëjtin nivel rritje të fillimit të vitit.
Ky nivel i kënaqshëm i rritjes së huadhënies po vjen nga lehtësimi i kushteve të kreditimit nga bankat dhe njëkohësisht kërkesës në rritje të individëve për kredi.
Me rritje prej 10%, kredia në lekë për individët shënon një ecuri më të mirë ndaj totalit të kresisë së dhënë për këtë kategori.
Banesat janë arësyeja kryesore e marrjes hua në tremujorin e dytë të këtij viti.
Sipas, të dhënave të BSH, kredia e individëve për banesa u rrit 6.5% ndaj tremujorit të dytë të vitit të kaluar.
Në këtë drejtim, kanë ndihmuar normat e ulëta të interesit, kushtet lehtësuese dhe përmirësimi i gjendjes financiare të individëve.
Ndërkohë kredia konsumatore vijon të rritet me ritme më të larta. 11% ndaj një viti më parë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
