Huawei dhe Woman4Cyber Albania bashkë për sigurinë kibernetike - Business Magazine Albania

Huawei dhe Woman4Cyber Albania bashkë për sigurinë kibernetike

Huawei dhe Woman4Cyber Albania

Zhvillimi i telekomunikacionit ka rritur potencialin për sulme kibernetike. Shqipëria, duke qenë një vend që ka përparuar shpejt në fushën e komunikimit është më tepër e ekspozuar ndaj rreziqeve kibernetike. Për të përballuar sfidat ndaj sistemeve të ndërlidhjes dhe të informacionit, Huawei, në partneritet me Women4Cyber Albania, ka vendosur të realizojë në Shqipëri disa workshop-e, ku tema kryesore është ”Higjiena Kibernetike”.

Workshop-i i radhës, u realizua në ambjentet e gjimnazit “Çajupi”, në kuadër të implemetimit të nismës #Huawei4HER. Ky modul, i krijuar në lidhje me rutinën e higjienës kibernetike, u prezantua tek pjesëmarrësit për të përvetësuar këshilla mbi aplikimin e masave të sigurisë në situata të ndryshme.

Të pranishëm në këtë aktivitet ishin drejtuesja e institucionit arsimor, Znj. Goce, administratorja e Njësisë Bashkiake Nr.3, Znj. Ergesta Ninga si dhe përfaqësuses të tjerë të interesuar.

Në fjalën e saj Znj. Goce pohoi se: “Realizimi i workshop-eve të tilla ndihmon në edukimin e të rinjve drejt përdorimit të sigurt të mjeteve të teknologjisë digjitale”. Ndërsa, Znj. Ninga shprehet se do vazhdojë t’i mbështesë nisma të tilla si Women4Cyber Albania.

Ashtu si mësuesit, edhe nxënësit e pranishëm në këtë aktivitet e konsiderojnë shumë të rëndësishëm organizimin e aktiviteteve të tilla, pasi njohuritë e marra prej tij thellojnë dijet e marra përtej kurrikulave mësimore. Njëra prej pjesëmarrëseve u shpreh: “Jam shumë e lumtur që jam pjesë e këtij workshop-i, pasi nuk kisha dijeni se sa e rrezikuar isha në mjedisin kibernetik. Të gjitha këshillat që mora sot do t’i aplikoj në vijim”.

Duke qenë se Tetori është muaji i Ndërgjegjësimit mbi Sigurinë Kibernetike, Woman4Cyber do të vijojë takimet edhe me përfaqësues të sektorit të biznesit dhe akademisë për të promovuar aplikimin e masave me qëllim rritjen e nivelit të sigurisë në sisteme dhe pajisje.

Për të mësuar më tepër rreth aktiviteteve që do të realizohen në kuadër të sigurisë kibernetike, ndiqni faqet në rrjetet sociale të mëposhtme.

Instagram: https://www.instagram.com/women4cyber_albania/

Linkedin: https://www.linkedin.com/company/women4cyber-albania/

Huawei në Shqipëri operon prej vitit 2011, duke sjellë fjalën e fundit të teknologjisë digjitale për konsumatorët, bizneset dhe institucionet. Si një prej gjigantëve të teknologjisë botërore, kompania ka ndërmarrë në vazhdimësi nisma lidhur me përdorimin e sigurt të teknologjisë digjitale apo edhe ofrimin e zgjidhjeve novatore e të sigurta. Huawei do të vazhdojë të nxisë nisma të tilla edhe në vazhdim.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0