Historia e modelit më të vjetër në regjistrin e mjeteve historike Retro - Business Magazine Albania

Historia e modelit më të vjetër në regjistrin e mjeteve historike Retro

Historia e modelit më të vjetër në regjistrin e mjeteve historike Retro

Ford Model A – Mjeti më i vjetër në Regjistrin e Mjeteve Historike Retro, që ka udhëtuar nga Austria drejt Shqipërisë, nën kujdesin e Z. Fritz Liebig.

Çfarë na tregon historia për këtë model?

Ford Model T vendosi botën mbi 4 rrota, më pas motorit të zhvillimit të këtij modeli iu shtua konkurrenca dhe kërkesa e klientëve gjithnjë e më të etur.
Në mesin e viteve ’20, klientët e Ford-it e bënë të qartë se kish ardhur koha që kompania të krijonte një tjetër kryevepër, pasuese të Ford Model T. Ndërsa konkurrentët po ndërtonin makina të modernizuara sipas shijeve të konsumatorëve, Henry Ford besonte se Modeli T ishte ende opsioni më i mirë për ata që jetonin në zonat rurale, si dhe ata që dëshironin çmime të arsyeshme. U bë e qartë shumë shpejt se zhvillimet dhe çmimet më të ulëta për T nuk do të mjaftonin më, kështu që në fund të vitit 1926, Henry Ford i udhëzoi inxhinierët e tij të fillonin punën në një Ford të ri – Modelin A.

Ky ishte një mjet krejtësisht i ndryshëm që nuk mbartte asnjë pjesë nga Modeli T. Ishte më i ulët dhe më i hijshëm se Modeli T, estetikisht me linja të bukura. Ndërsa përdorte ende një katër cilindra, të ngjashëm me Modelin T, Modeli A ishte më i fuqishëm dhe më i butë dhe ishte i aftë për 55 deri në 65 mph. Ai erdhi me xhamin e përparmë të sigurisë Triplex dhe goditje hidraulike, të parët për Ford dhe të padëgjuara në fushën me çmime të ulëta. Ishte Fordi i parë që mbante logon e famshme ovale blu dhe makina e parë e montuar në kompleksin e ri prodhues Rouge.
Rreth 10 milionë njerëz e panë automjetin e ri që javën e parë të prezantimit me publikun, në dhjetor të vitit 1927.

Turmat u zgjeruan aq sa kërkohej ndihma e policisë për të rregulluar trafikun dhe rradhët e atyre që ishin rreshtuar për të parë Fordin e ri. Ndërsa entuziazmi dhe kërkesa ishin të larta, prodhimi ngeli. Linja e montimit e sapo instaluar për Modelin A në Rouge plotësoi kapacitetin e plotë në mesin e vitit 1929, kur qenë në gjendje të prodhonin 9,000 njësi në ditë.
Modeli A tregoi se shijet e klientëve po zhvilloheshin aq shpejt, sa edhe gjendja e rrugëve duhej të ndryshonte po aq shpejt!

Më 28 Korrik 2022, Ford Model A e vitit 1931 u bë pjesë e Regjistrit Zyrtar të Mjeteve Historike duke marrë statusin Retro.  dpshtrr.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0