I pari i qeverisë tha se ikja e tyre na mërzit, por nëse janë të papunë e gjejnë punë diku tjetër është e arsyeshme.
“Kjo është një zgjidhje për ata që janë të papunë dhe praktikisht duket të jetë diçka e arsyeshme. Detyra jonë është që të hapim më shumë vende pune, por duhet të kuptojmë që ne veprojmë dhe operojmë në realitetet tona. Është e pamundur të zgjidhim papunësinë. Masa më e mirë është zbatimi i politikave, për të lehtësuar zhvillimin dhe prodhimin e një vendi. Ideja e lëvizjes konsiston në gjetjen e vendeve më të mira të punës, për të jetuar një jetë më të mirë dhe për të ndihmuar familjet e tyre. Normal që na shqetëson, na mërzit kjo papunësi e 20 viteve. Nëse dikush mund ta zgjidhë këtë çështje le të urdhërojë të marrë vendin tim. Por ne po punojmë që të rinjtë të mos largohen,” tha ai.
Kreu ekzekutiv shtoi se tani nuk mund të bëjnë asgjë lidhur me këtë çështje dhe se është e vështirë të ndalen njerëzit. “Ne i përcjellim statistikat dhe e shohim se çfarë po ndodh. Sot s’mund të bëjmë asgjë. Është e pashmangshme kur i ofrohet një vendi integrimi në Europë. Oferta më e mirë në treg fiton, e është e vështirë të ndalësh njerëzit. Bullgarisë i kanë ikur 1 milion njerëz për shkak të kësaj,” ka mbyllur ai.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
