Idetë fituese mund të përfitojnë grante në vlerë 10,000 USD në nivel rajonal. Objektivi kryesor i këtij projekti është identifikimi dhe mbështetja e biznes-planeve që kanë potencial të lartë për sukses, ndikojnë në mënyrë të ndjeshme në zhvillimet sociale, mjedisore dhe ekonomike të një komuniteti të veçantë, apo një grupi më të gjerë komuniteti, me synimin final të realizimit të zhvillimit të qëndrueshëm të biznesit në vend.
Kriteret për aplikim:
> Ideja është ende në fazat e para të zhvillimit të saj
> Ideja bazohet kryesisht në përdorimin e burimeve lokale
> Ideja ka një vizion, apo një plan veprimi për qëndrueshmërinë mjedisore
> Ideja ka një plan për qëndrueshmëri ekonomike dhe/apo rritje të vazhdueshme
> Ideja bazohet në një vlerësim të tregut lokal dhe është e vetëdijshme për konkurrentët dhe avantazhet
> Ideja mbështet rivitalizimin e ekonomisë dhe lidhjen mes njerëzve dhe komunitetit
> Ideja është inovative në krahasim me bizneset dhe projektet e tjera në komunitet
Kush mund të aplikojë?
> Individë
> Organizatat Jo-Fitimprurëse
> Bizneset e vogla
Kushtet e financimit:
Në nivel rajonal, idetë fituese do të përfitojnë grant deri në 10,000 USD.
Dokumentet që duhen dorëzuar:
> Forma e Aplikimit
> Një dokument që vërteton statusin ligjor të entitetit që aplikon (për organizata dhe biznese të vogla)
> Forma Financiare (Mund ta shkarkoni në linkun më poshtë)
Dokumentet duhet të dorëzohen deri me datën 01/06/2019 në [email protected]
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
