Një profesionist i lirë, apo një grup profesionistësh mund të zgjedhin në mënyrë kreative të zhvillojnë punën e tyre në zemër të kryeqytetit. Dutch Hub Tirana, në ish zonën e bllokut, është konceptuar duke krijuar të gjitha facilitetet e një zyre pune.
Sipërmarrësi i këtij biznesi të ri, Ogert Gjata tregon se ambienti do t’u mundësojë kryesisht sipërmarrësve të rinj apo profesionstëve të mund të zhvillojnë punën e tyre por edhe të ndajnë ide e mundësi bashkëpunimi mes njëri-tjetrit. Një ambient që ofron disa tavolina pune, sallë mbjedhjesh, apo edhe mundësinë për të punuar apo konsumuar diçka në verandë, duket një mundësi relaksuese për pushime. Krahas qerasë mujore, ambienti mund të shfrytëzohet edhe përkundrejt pagesave ditore, apo për aq kohë sa i nevojitet klientit.
Kjo është një praktikë që po ndiqet në disa qytete të Europës. Së fundi, edhe një start up në Itali është prezantuar me idenë e biznesit që po e zhvillon në disa qytete italiane.
Sipërmarrja e re, është një nga bizneset e mbështetura nga Yunus Social Business. Shkelzen Marku, drejtues i saj thotë për Businessmag, se mbështetja ishte në formën e konsulencës, për të bërë të mundur që një ide sipërmarrje e marrë nga jashtë të mund të përshtatej për t’u zhvilluar edhe në tregun shqiptar.
Shikoni videon:
https://www.youtube.com/watch?v=4Ek9GhEdPsU
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto