Një panair, i kthyer tashmë në traditë, i shërben fuqizimit të grave në biznes dhe kauzave të ndryshme për gratë dhe fëmijët në nevojë.
Guusje Korthals Altes, Ambasadorja e Holandës në Tiranë, tha se forca e grave dhe puna e tyre mund të sjellë ndryshim radikal në shoqëri. “Besojmë në fuqinë që gratë dhe burrat kanë kur punojnë për një botë me barazi gjinore. Dhënia e mundësisë grave për të shfrytëzuar këtë potencial është një investim që është në të mirë të të gjithëve, në të mirë të botës, por edhe brezave të ardhshëm.
Disa prej sipërmarrjeve, krahas prezantimit të produktit, kanë përqafuar edhe një kauzë. Argjendari Pirro, ka sjellë në treg një koleksion të ri, në bashkëpunim me designer dhe një pjesë e të ardhurave nga shitjet shkojnë për gra të dhunuara.
Ndërkohë, stenda e punimeve të grave në burg, ishte një mundësi direkte për të motivuar angazhimin e tyre edhe brenda katër mureve.
Pjesë e panairit ishin punimet artizanale në dru, tekstike, metalike. Një vëmendje të veçantë po marrin së fundi pijet dhe produktet e tjera ushqimore, pa përmbajtje gluteni apo sheqeri.
Panairi me moton “Gratë munden”, vjen për të dytin vit rresht, duke e kthyer këtë event në traditë. Ai po synon të mundësojë krijimin e një platforme biznesi-për-biznesin për gratë sipërmarrëse nga zonat rurale, bizneset sociale, shoqërinë civile dhe partnerë të tjerë ndërkombëtarë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
