Gjuha shqipe është përfshirë zyrtarisht në listën e gjuhëve të përdorura për komunikimet në shkollat publike të qytetit të Nju Jorkut, një lajm i mirë për komunitetin shqiptar në këtë metropol të madh amerikan. Kancelarja e Arsimit në Nju Jork, Melissa Avilés-Ramos, njoftoi se shqipja është bërë njëra nga 13 gjuhët zyrtare të Departamentit të Arsimit për komunikimet shkollore, së bashku me anglishten.Më herët, vetëm 10 gjuhë ishin të përfshira. Me vendimin e fundit, janë shtuar edhe tri gjuhë të reja, përfshirë edhe shqipen. Kjo do të thotë se të gjitha dokumentet zyrtare, njoftimet dhe informacionet e rëndësishme që dërgohen nga shkollat për prindërit, do të jenë tani të disponueshme edhe në gjuhën shqipe.
Për komunitetin shqiptar, ky është një tregues i qartë i përpjekjeve për të njohur dhe vlerësuar diversitetin gjuhësor dhe kulturor brenda qytetit, duke ndihmuar kështu në integrimin dhe përfshirjen e tyre në shoqërinë amerikane.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
