Gjobitet Neuralink e Elon Musk - Business Magazine Albania

Gjobitet Neuralink e Elon Musk

~2 minuta lexim

Kompania e implanteve të trurit të Elon Musk, Neuralink është gjobitur për shkeljen e rregullave të Departamentit të Transportit të SHBA-së në lidhje me transportin e materialeve të rrezikshme, sipas të dhënave të agjencisë federale të parë nga Reuters.

Gjatë inspektimeve të objekteve të kompanisë në Teksas dhe Kaliforni në shkurt 2023, hetuesit e Departamentit të Shtetit të SHBA zbuluan se kompania nuk ishte regjistruar si transportues i materialeve të rrezikshme.

Ata gjetën gjithashtu paketim të dëmtuar të mbetjeve të rrezikshme, duke përfshirë ksilenin e lëngshëm të ndezshëm. Ksyleni mund të shkaktojë dhimbje koke, marramendje, konfuzion, humbje të koordinimit të muskujve dhe madje edhe vdekje, sipas Qendrave të SHBA për Kontrollin dhe Parandalimin e Sëmundjeve. Kompania e Musk u gjobit me një total prej 2,480 dollarë, më pak se sa ishte vlerësuar fillimisht, sepse kompania pranoi të rregullonte problemet. Një zëdhënës i Administratës së Sigurisë së Gazsjellësit dhe Materialeve të Rrezikshme, agjencia e ministrisë që hetoi Neuralink, konfirmoi shkeljen dhe gjobën dhe tha se hetimi tani është mbyllur.

lexo: Thirrje për krijuesit e rinj të përmbajtjeve video

Rikujtojmë, se “Wall Street Journal” ka lëshuar akuza të ashpra në drejtim të njeriut më të pasur në botë Elon Musk, duke shkruar se prej vitesh ai abuzon me lëndë narkotike të llojeve të ndryshme. Sipas “WSJ”, prej kohësh drejtues dhe anëtarë të këshillit drejtues të kompanive të Musk janë të shqetësuar se varësia ndaj drogës përveçse mund të ketë pasoja në shëndetin e tij, mund të shkaktojë dhe probleme në asetet miliardëshe që ai zotëron. Gazeta amerikane sjell dëshmitë e disa personave të cilët deklarojnë se e kanë parë Musk duke konsumuar lëndë të ndryshme narkotike duke filluar nga marijuhana, kokaina, hashashi, LSD apo dhe ekstazi në disa festa.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Puna jote do të mbushë një pjesë të madhe të jetës tënde.”
— Steve Jobs
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0