Gjigandët farmaceutikë shumë pak të përgatitura për pandemitë e ardhshme - Business Magazine Albania

Gjigandët farmaceutikë shumë pak të përgatitura për pandemitë e ardhshme

Kompanitë e mëdha farmaceutike në botë janë shumë pak të përgatitura për pandemitë  e ardhshme pavarësisht nga një përgjigje në rritje ndaj shpërthimit të Covid-19. Jayasree K Iyer, drejtor ekzekutiv i Fondacionit “Aksesi në Mjekësi” me bazë në Hollandë, një organizatë jo-fitimprurëse e financuar nga qeveritë e Mbretërisë së Bashkuar dhe Holandës dhe të tjerë, theksoi  se ka rrezik të një shpërthimi të virusit Nipah në Kinë, me një shkallë të fataliteti deri në 75%.

“Virusi Nipah është një tjetër sëmundje infektive në zhvillim që shkakton shqetësim të madh. Nipah mund të zhvillohet çdo moment. Pandemia tjetër mund të jetë një infeksion rezistent ndaj ilaçeve,” tha ajo.

Nipah  është një sëmundje që mund të shkaktojë probleme të rënda të frymëmarrjes dhe encefalit, ënjtje të trurit dhe ka një shkallë vdekshmërie prej 40% deri 75%, në varësi të vendit ku shfaqet shpërthimi. Është një nga 10 sëmundjet infektive nga 16 të identifikuara nga Organizata Botërore e Shëndetësisë si rreziku më i madh i shëndetit publik ku ka zero projekte në firmat  farmaceutike. Ndërkohë katër produkte janë në zhvillim e sipër për virusin chikungunya të zhvilluar nga mushkonjat që janë përhapur me shpejtësi vitet e fundit, në të gjithë Amerikën, Afrikën dhe në Indi. Raporti thotë se pavarësisht paralajmërimeve të viteve që koronavirusët e rinj kishin të ngjarë të shkaktonin një urgjencë globale shëndetësore, industria farmaceutike, si dhe shoqëria në përgjithësi, ka qenë gjithnjë e më pak e përgatitur gjë që u vërtetua me pandeminë Covid-19.

Nuk kishte projekte mbi sëmundjet koronaviale në projektet e kompanive farmaceutike, para shpërthimit të Covid-19 por ndërsa u kthye në një pandemi globale industria brenda muajsh zhvilloi disa vaksina.

Rezistenca antimikrobike, gjithashtu është për rreziqe serioze. “Për sa i përket rezistencës antimikrobike (AMR), ne kemi antibiotikë që ende funksionojnë, por po kalon dhe nuk ka zëvendësime të antibiotikëve të cilët nuk funksionojnë më. Tuberkulozi, për të cilin kemi menduar se është zhdukur, është duke u përhapur në disa komunitete për shkak të shtameve rezistente ndaj ilaçeve,” tha Iyer.

Raporti i ka monitoruar 20 kompani të mëdha të barnave dhe disponueshmërinë e ilaçeve të tyre për 82 sëmundje në vendet me të ardhura të ulëta deri në mesatare. Përpjekjet e kompanive për të zhvilluar ilaçe të reja vazhdojnë të përqendrohen në një sërë sëmundjesh, duke përfshirë HIV / Aids, tuberkulozin, malarjen, Covid-19 dhe kancerit, ndërkohë që  infeksionet janë gjithnjë e në zhvillim.

Novartis ishte kompania e parë që zhvilloi një qasje sistematike për të siguruar që produktet të arrijnë në vendet e varfëra – të cilat përballen me më shumë se 80% të barrës globale të sëmundjeve – më shpejt. Kompanitë e tjera kryesore janë AstraZeneca , GSK, Johnson & Johnson, Merck e Gjermanisë, Pfizer, Sanofi dhe Takeda. GSK zhvillon plane hyrëse për të gjitha projektet pasi rezultatet e provave klinike të ndërmjetme të jenë pozitive.

Sidoqoftë, për momentin shumë ilaçe nuk po shkojnë fare në vendet me të ardhura të ulëta, madje edhe vite pas lansimit. Rreth 64 nga 154 produktet e analizuara nuk janë të mbuluara nga asnjë lloj strategjie aksesi – çmime të drejta, licencime vullnetare ose donacione – në ndonjë nga 106 vendet e shqyrtuara.

GUARDIAN

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0