Galaxy S10 rekord shitjesh edhe në vendin tonë

Shitjet e produkteve më të fundit të Samsung, Galaxy S10e, S10 dhe S10 + kanë filluar në më shumë se 70 vende të botës, përfshirë Shtetet e Bashkuara, Kanada, Indi, Kinë dhe Europë dhe deri në fund të muajit pajisjet do të jenë në dispozicion në rreth 130 tregje. Në periudhën e shitjeve paraprake, shitjet ishin më të larta se të çdo smartphone-i tjetër Samsung në Europë, në një periudhë më të shkurtër se kurrë më parë.

Smartphone-nët më të fundit në serinë Galaxy S kanë arritur një performancë më të lartë, prej 40% më shumë, në periudhën e shitjeve paraprake në rajonin tonë krahasuar me Galaxy S9 të vitit të kaluar. Samsung Galaxy S10 + në Europë ka shënuar më shumë se gjysmën e shitjeve të saj, duke treguar trendin në rritje të përdoruesve që zgjedhin smartphone-a me performancë të lartë. Ngjyra e zezë është akoma ngjyra më popullore dhe përbën pothuajse 50% të shitjeve totale të Galaxy S10.

Në Shqipëri, klientët mund të blejnë me çmimin e rekomanduar të shitjes me pakicë 111,499L për Galaxy S10, 124999L për Galaxy S10+ dhe 92999L për Galaxy S10e. Galaxy S10, Galaxy S10 + dhe Galaxy S10e do të jenë të disponueshme në ngjyrën e zezë, të bardhë, të gjelbër, blu dhe të verdhë të ndritshëm, dhe Galaxy S10 + në dy modele premium: porcelan i zi dhe rozë e çelët. Për shkak të interesit dhe kërkesës së madhe, smartphone-ët e ngjyrave të caktuara dhe me hapësira memoriesh të ndryshme do të jenë në dispozicion me pak vonesë.

Duke u nisur dhe nga lidershipi i Samsung-ut me kamerat e para Dual Pixel dhe Dual Aperture, Galaxy S10 prezanton teknologjinë e re të kamerës dhe inteligjencën e përparuar që e  bën më të lehtë kapjen e fotove dhe xhirimeve fantastike. Për hërë të parë për Serinë S, Galaxy S10 ofron një Lente ultra-të gjërë me një kënd prej 123 gradësh fushëpamje, ashtu si syri i njeriut, në mënyrë që të mund të kapni çdo gjë që shikoni.