Stadiumet në Francë do të rihapen për tifozët më 11 korrik, pasi qeveria franceze po lehtëson gradualisht masat shtrënguese, të vendosura për shkak të COVID-19.
Gjithsesi, për momentin duket e pamundur që stadiumet të mbushen si më parë. Si fillim do të lejohen vetëm 5000 spektatorë, që do të kenë mundësinë edhe të ruajnë distancën fizike nga njëri-tjetri.
Tashmë tifozët do të mund të ndjekin nga afër ndeshje miqësore të ekipeve të tyre, pasi sezoni futbollistik në Francë është mbyllur në datën 30 prill dhe sezoni i ri pritet të rinisë sërish në datën 22 gusht.
Lexoni: Smartwatch i Samsung tashmë mund të masë edhe presionin e gjakut
Në rast se gjërat shkojnë mirë, atëherë deri në nisjen e sezonit të ri mund të rritet edhe numri i tifozëve, që do lejohen të ndjekin ndeshjet në stadiume.
Kampionati francez ishte i vetmi ndër pesë kampionatet më të forta të Evropës, që vendosi për mbylljen e sezonit në prill.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
