Forumi i Bashkinvestimeve dhe Rrjetëzimit, së shpejti në Prizren (VIDEO)

Forumi i Bashkëinvestimeve dhe Rrjetëzimit, së shpejti në Prizren (VIDEO)


Më 5 korrik 2019 në Kompleksin e Lidhjes së Prizrenit, do të bëhet hapja zyrtare e Forumit të Bashkë-Investimeve dhe Rrjetëzimit.

Përmes këtij forumi tre-ditor, Organizata Germin në bashkëpunim me Komunën e Prizrenit dhe partnerë të tjerë, do të sjellin së bashku investitorë potencialë nga Diaspora, të huaj dhe përfaqësues të institucioneve publike dhe forumeve ekonomike.

Nikoqiri i kësaj ngjarje, Kryetari i Komunës së Prizrenit, z. Mytaher Haskuka do të bëjë hapjen e forumit, ku do të përshëndesin edhe mysafirë të veçantë nga kori diplomatik në Kosovë dhe personalitete të shquara nga Diaspora.

Në kuadër të këtij forumi, Germin ka paraparë:

  • Hapjen e forumit më 5 korrik 2019, që do të përcillet me një ngjarje rrjetëzimi;
  • Panairin me produkte vendore në bashkëpunim me Drejtorinë Komunale të Turizimit dhe Zhvillimit Ekonomik, për të promovuar produktet lokale të Prizrenit. Pas panairit, do të zhvillohen (3) panele të diskutimit të cilat do të mbahen në Parkun e Trajnimeve dhe Inovacionit (ish-kampi i KFOR-it Gjerman). Në këto panele të diskutimit do të trajohet ambienti biznesor në Kosovë, potenciali i Diasporës, dhe mundësitë e krijimit të urave bashkëpunuese për investime. Këto aktivitete do të mbahen më 6 korrik 2019;
  • Takimet Bizneset tek Bizneset (B2B), dhe lansimi i Zyrës së Diasporës do të jenë aktivitet përmbyllese të cilat mbahen më 7 korrik 2019.
  • Përmes këtij forumi synohet të rritet angazhimi i diasporës në nivelin lokal, përmes investimeve direkte, partneriteteve dhe shkëmbimeve të njohurive. Prandaj, programi do të përfshijë edhe Prezantimin e Projekteve kapitale të Komunës së Prizrenit; Vizitë Prezantuese tek Zona e Re Ekonomike (Lubizhdë-Korishë) dhe vizita kulturore.

BusinessMag do të ndjek zhvillimet e forumit në kohë reale.

InvestinPrizren

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0