Interneti është me ne prej gati 4 dekadash dhe gjatë kësaj kohe ka akumuluar një masë të pallogaritshme informacioni, mes tyre dhe foto e imazhe.
Me plotësimin e bagazhit të të dhënave, tashmë në kohën “e duhur” ka dalë dhe Inteligjenca Artificiale (AI) që mund të punojë me to, dhe siç zbulohet nga kërkuesit, rezultatet mund të jenë vërtet të frikshme.
Një prej tyre është aftësia për të gjetur çdo imazh tëndit që është shkrepur … në çdo kohë, shkruan rrjeti Unilad.
Lexo: Eljona Kosta: Ja se si fillova të gjeneroj para online. Nuk është kurrë vonë
Nuk flitet këtu për çdo imazh që kur keni qenë bebe, por për çdo imazh të kaluar në rrjet.
Një faqe e çuditshme interneti e quajtur ‘PimEyes’ ka tërhequr vëmendje pasi për rezultatet e kërkimit të fotove është mbiquajtur ‘platforma më trazuese në Internet’.
Ju duhet t’i jepni faqes fillimisht një foto të vetes tuaj dhe me anë të inteligjencës artificiale ajo identifikon çdo foto tjetër tuajën që është në rrjet, pra mund të kërkojë në çdo faqe interneti ku ka foto tuajat.
Shërbimi është falas, ju vetëm duhet të ngarkoni një foto tuajën dhe për dy minuta inteligjenca ‘e frikshme’ artificiale mund të kontrollojë të gjithë rrjetin.
Praktika është gjithashtu një mjet për të zbuluar persona të ngjashëm me ju, pasi rezultate të tilla shfaqen shpesh mes opsioneve.
PimEyes gjithashtu ju lejon të hiqni fytyrën tuaj nga opsionet e kërkimit të njerëzve por për këtë duhet të bëni fillimisht një verifikim identiteti.
Ashtu si me shumë opsione të tjera të internetit, shumë e quanin ‘faqe e sëmurë’ por të tjere e quanin të vlefshme, edhe për faktin se mud të zbulohej nëse një rrjet ka përdorur fytyrën tënde pa leje.
Një përdorues e quante atë ‘faqja e ëndërrave për përndjekësit’, kurse një tjetër komantonte se kishte gjetur një foto të vetes kur ishte 10 vjeç.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
