Familjet e prekura nga tërmeti/ Rritet fondi i rezervave të shtetit - Business Magazine Albania

Familjet e prekura nga tërmeti/ Rritet fondi i rezervave të shtetit

Këshilli i Ministrave ka miratuar këtë të mërkurë ndryshimet në ligjin për sistemin e taksave vendore, duke iu dhënë të drejtën të gjithë pronarëve të banesave të dëmtuara nga lëkundjet e tërmetit që të ndërtojnë banesat pa paguar këtë taksë.

“Përjashtohen nga pagesa e kësaj takse investimet për rindërtimin, riparimin apo restaurimin e ndërtesave të destinuara për qëllime banimi, të dëmtuara si pasojë e fatkeqësive natyrore, sipas përkufizimit të dhënë në legjislacionin në fuqi për mbrojtjen civile” thuhet në VKM. Ndërkohë të gjitha banesat e raportuara si të dëmtuara, duhet të plotësojnë disa kushte dhe të dorëzojnë dokumente që të përfitojnë përjashtimin nga ky detyrim që po ashtu do të përcaktohen me VKM.

Po ashtu familjet e prekura nga tërmeti nuk do të paguajnë as taksën e infrastrukturës në momentin që do të aplikojnë për tu pajisur me lejen e rindërtimit apo restaurimit të banesave të tyre. E paralajmëruar disa orë më parë nga kryeministri Edi Rama, Këshilli i Ministrave ka vendosur që ndërtuesit duhet ti dorëzojë blerësit të banesës përveç kontratës së pronësisë edhe një kontratë sigurimi me afat 10 vjeçar, e cila do të bëjë të mundur edhe mbulimin e dëmeve të ndërtesës, që shfaqen pas lidhjes së kontratës së kalimit të pronësisë. Kjo iu jep mundësinë qytetarëve që nga hyrja në fuqi e këtij vendimi, banesat që blejnë të jenë të siguruara nga fatkeqësi të tilla siç ishte tërmeti i 21 shtatorit.

“Limiti i përgjegjësisë së kontratës së sigurimit nuk duhet të jetë më i ulët se vlera totale e çmimit të shitjes të përcaktuar në kontratën e kalimit të pronësisë së pasurisë paluajtshme” thuhet ndër të tjera në VKM.

Po ashtu siç ishte paralajmëruar janë shtuar në fondin e rezervave të shtetit 500 mijë lekë të reja, duke e rritur fondin nga 1.5 milionë lekë që ishte në 2 milionë lekë. Ky fond do të shkojë për familjet e dëmtuara nga tërmeti përveç fondit të emergjencave që është 130 milionë lekë.

Duke qenë se gjatë lëkundjeve të tërmetit ka pasur shumë defekte dhe bllokime të qytetarëve në ashensor, Këshilli i Ministrave me kërkesë të Ministrisë së Financave ka vendosur që brenda datës 31 dhjetor 2020 kompanitë të kenë kryer ekzaminimin e të gjithë ashensorëve që janë vendosur në shërbim deri në fund të këtij viti.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0