Erjona Rusi është gazetare, moderatore televizive, aktiviste dhe sipërmarrëse. Aktive në publik prej thuajse dy dekadash. Në një bisedë të hapur me Women Founders Network Albania, Erjona do të ndajë sfidat e vështirësitë e këtij rrugëtimi të gjatë si grua, nënë e profesioniste, e mbi të gjitha disa këshilla të rëndësishme se si të qëndrojmë të fokusuara në punën drejt arritjeve e objektivave tona.
Ejani të bashkoheni në këtë bisedë të hapur dhe për të pasur rastin për një bisedë të shkurtër me Erjonën, e cila do të qëndrojë për të biseduar me gjithë të interesuarat pas eventit.
Eksperienca në gazetari e Erjonës përfshin 19 vjet në Report TV, News 24, TV Klan, Gazeta Korrieri dhe aktualisht si moderator e emisionit televiziv “Hipokrati” në Top Channel. Ajo ka qenë korrespondente në Shqipëri e SeeNews për dy vite dhe ka punuar në shumë histori investigative rajonale për BIRN, disa të botuara në Guardian, EUobserver and Austrian Magazine “Datum”.
Prej vitesh ajo është shumë aktive në çështjet e barazisë gjinore dhe së fundmi ka krijuar nje revistë feministe online që synon të mbështesë zërat e grave, duke luftuar diskriminimin dhe dhunën ndaj tyre.
Data: 4 Dhjetor 2019
Ora: PM – 8 PM
Vendndodhja: Innospace Tirana, Rr Pjeter Bogdani. Nd 10, H 5, Apt 28 Tiranë
Për më shumë informacion klikoni Këtu.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
