Interneti u ka dhënë mundësinë kompanive të arrijnë tregje jashtë vendit të tyre, por si start-up rritja nga zyra juaj në tregjet botërore mund të jetë e ndërlikuar. Për këtë arsye janë ftuar Fabio dhe Regina Glaser, themeluesit e Valkokettu dhe pjesë e programit ‘Start-up Residence’ të EU for Innovation, për të ndarë eksperiencat e tyre si dhe për t’i dhënë përgjigje pyetjeve tuaja.

Fabio Glaser ka mbi 25 vjet përvojë drejtimi në fushën IT-së, me një histori të qëndrueshme të zhvillimit dhe ekzekutimit të strategjive të IT-së, në përputhje me objektivat e korporatës. Ai ka menaxhuar organizata me deri në 400 punonjës dhe buxhete vjetore mbi 500 milionë $. Para themelimit të Valkokettu, ai ka qënë menaxher i lartë IT-je për kompanitë e Telecom, Accenture dhe Ernst & Young në Brazil.

Regina Glaser ka mbi 20 vjet përvojë në fushën e IT-së, në dizenjimin e sistemeve, modelimin e të dhënave dhe menaxhimin e projekteve në disa industri të ndryshme, duke filluar nga shitja me pakicë e deri në tregëtinë ndërkombëtare dhe infrastrukturë. Eksperte në menaxhimin e të dhënave, zhvillimin e sistemeve dhe menaxhimin e proceseve, eksperienca e saj përfshin një gamë të gjerë konsulence për projektet e IT-së. Së bashku me Fabion, ajo ka themeluar Valkokettu.

Bashkohuni në një diskutim të hapur, të enjten, më 5 Mars 2020 nga ora 18:00-20:00, në InnoSpace Tirana, për të ndarë eksperienca dhe këshilla ndërmjet sipërmarrësve.