Biseda frymëzuese mbi Sipërmarrjen dhe Inovacionin në Universitet (EIIU TALKs) është një seri me biseda dhe fjalime të organizuara nga ‘BE për Inovacionin’, ku të ftuarit janë figura kyçe të inkubatorëve të lidhur me universitete ndërkombëtare, qendrat e transferimit të teknologjisë, parqe teknologjike, etj.
Gjatë bisedave, të ftuarit do të flasin mbi përvojën e tyre në krijimin dhe drejtimin e një inkubatori ose qendre për promovimin e startup-eve, aktivitetet e së cilave kanë për qëllim kapërcimin e hendekut mes universiteteve dhe industrisë/ sektorit privat.

Qëllimi i EIIU TALKs është të prezantojë universitetet shqiptare me inkubatorë të shkëlqyer biznesi dhe praktikat më të mira evropiane; të diskutojë e të zgjerojë vizionin e tyre mbi rolin që mund të luajnë universitetet në promovimin e sipërmarrjes dhe inovacionit dhe t’i frymëzojë ata në ndërmarrjen e veprimtarive të ngjashme, pas tregimeve të eksperiencave reale.

Takimi i dytë EIIU TALKs do t’ju prezantojë me Marc Kley, Menaxhimi Kërkimor, tek GATEWAY – Shërbimi i Startup-eve, pranë Universitetit të Këlnit, i cili do të ndajë me audiencën përvojën e tij të gjatë, mbi Universitetin e Këlnit në ekosistemin rajonal të startup-eve – detyrat, mundësitë dhe kufizimet. Bashkohuni për një bisedë frymëzuese dhe sesion me pyetje-përgjigje, ditën e martë, 12 Nëntor, ora 11:00, në Sallën e Konferencave Luarasi, të Universitetit Luarasi në Tiranë.