Trajnim “Personaliteti dhe gjuha e shitjes”

Thelbi i çdo komunikimi është gjuha. Ky konkluzion i arritur nëpërmjet eksperiencës 18 vjeçare tw Ornela Bocit në fushën e Shitjeve, Marketingut dhe Manaxhimit,e ka bërë atë, jo vetëm të kuptojë më mirë natyrën dhe marrëdheniet njerëzore, por gjithashtu rëndësinë që ato kanë në finalizimin e suksesshëm të çdo projekti që ka marrë përsipër.

Së bashku me Dr. Fleura Shkëmbi kanë vendosur të sjellin pikërisht një trajnim të dedikuar mbi shitjen e parë, kjo në perspektivën e komunikimit,  personalitetit dhe raportit të krijuar midis shitësit dhe klientit.

Pavarësisht profesionit që secili prej nesh ka, çdo raport që krijojmë ka në thelbin e vet një transaksion shitje.

Në kursin e trajnimit “Personaliteti dhe gjuha e shitjes”, do të keni mundësi, jo vetëm që t’i analizoni aftësitë e komunikimit që e bëjnë një individ të suksesshëm, por edhe të brendësonië të gjitha cilësitë që e ndihmojnë një profesionist të frymëzojë dhe të transformojë bashkëbiseduesit. Do të mësojni pikërisht “Si të flasim gjuhën e klientit”.

Kursi i trajnimit “Personaliteti dhe gjuha e shitjes” ka në fokus aspektet më të rëndësishme të shitjes, të rritjes së të ardhurave financiare, si dhe zhvillimin e aftësive bindëse, për të krijuar avantazhe qoftë edhe nga komunikimet më të thjeshta.

Për më tepër, duke qenë pjesë e këtij trajnimi, ju do të mësoni:

–             si të krijoni një strategji shitjeje;

–             si të menaxhoni procesin e shitjes;

–             si të bindni klientët skeptikë të besojnë tek ju.

Qëllimi i këtij trajnimi është t’ju ndihmojë të mësoni se si të zbatoni parimet e sjelljes së paprekshme njerëzore në ciklin e shitjeve. Ky kurs do t’ju ofrojë një ndihmë konkrete për të rritur të ardhurat financiare personale dhe ato të kompanisë ku punoni, në ndërtimin e besimit, parandalimin apo zgjidhjen e problemeve, sigurimin e qartësisë në raport me të tjerët, sesi të krijoni marrëdhënie më cilësore, si të rritni angazhimin dhe të përmirësoni produktivitetin.

Ky trajnim u shërben :

–             Specialistëve të shitjes

–             Menaxherëve të shitjes

–             Menaxherëve të Marketingut

–             Të gjithë atyre që duan të përmirësojnë aftësitë e tyre të shitjes në cdo fushë të jetës dhe/apo karrierës.

Temat që do të trajtohen në seancat e këtij trajnimi:

–             Natyra Njerëzore e Komunikimit

–             Strategjitë e Shitjeve të Klientit

–             Fuqia e Bindjes

–             Njohja e personalitetit të shitësit dhe fuqizimi i aftësive të tij në realizimin e shitjeve të suksesshme

–             Njohja e personalitetit të klientëve dhe adaptimi i gjuhës së shitësit në funksion të krijimit të një raporti marrdhënie besimi me klientin e cila pason finalizimin e shitjes

Dr. Fleura Shkëmbi dhe Msc. Ornela Boci ju mirëpresin.