Startup Grind Tirana nesër në orën 17:30 mirëpret Znj. Arjeta Puca, sipërmarrëse dhe bashkë-themeluese e “TIMAK”.
TIMAK është një kompani që prodhon dhe shet makineri konstruksioni dhe automjete të specializuara për shërbime publike, me filiale në Shqipëri, Kosovë dhe Maqedoni. Pas përfundimit me sukses të studimeve, trajnimeve të ndryshme te ndjekura në Kroaci dhe Kinë dhe eksperiencë pune ne departamentin e Kërkimit dhe Zhvillimit në Bosch Germany dhe Bosch Japan, Arjeta Puca u rikthye në Shqipëri per të themeluar kompaninë e saj. Një në dy ambulanca të përdorura në Shqipëri, mbartin emrin “TIMAK”. Së fundmi, “TIMAK” ka eksportuar produktet e tyre të zhvilluara në Shqipëri, në shtete të ndryshme si Maqedoni, Kosovë, Libi dhe Kili.
Vizioni i Arjetës është të ndërtojë një biznes të fuqishëm me rritje të vazhdueshme për të arritur një prezencë dominuese nëpër Europe dhe më vonë edhe botërisht, një vizion i cili do të ndikojë në rritjen e industrisë shqiptare si dhe prestigjin e produkteve shqiptare në këtë treg.
Arjeta Puca do të na tregojë më tepër për eksperiencën e saj si një sipërmarrëse në këtë
fushë biznesi që mund të konsiderohet jo e zakontë për një grua, vizionin e saj dhe rrugëtimin e këtij suksesi.
Eventi fillon në orën 17:30 dhe do shfaqet live në faqen tonë të facebook https://www.facebook.com/StartupGrindTR.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
