Shqipëria, për herë të parë, do të marrë pjesë në panairin prestigjioz të industrisë ushqimore, “Food Ingredients North America 2024”, në Las Vegas, USA.
Në stendën shqiptare në këtë panair, do të përfaqësohen plot 8 kompani shqiptare nga sektori i Bimëve Medicinale dhe Aromatike (MAP) dhe Vajit të Ullirit!
Ky event ndërkombëtar, i organizuar nga AIDA në bashkëpunim me ITC – International Trade Centre dhe SIPPO Albania, do të zhvillohet në Las Vegas, SHBA, nga data 30 deri më 31 tetor 2024. Panairi “FI North America” është një nga ngjarjet më të mëdha të vitit për industrinë ushqimore, që mbledh bashkë profesionistë dhe kompani nga mbarë bota.
Pavijoni i Shqipërisë do të ndodhet në stendën nr. 1231, në orarin 09:00 – 18:30, në qendrën e ekspozitave Mandalay Bay, Las Vegas. Këtu, do të keni mundësinë të zbuloni aromat dhe shijet unike të produkteve shqiptare, të prezantuara nga 8 kompani pjesëmarrëse. Vizitorët do të kenë mundësi të njohin cilësinë e bimëve medicinale dhe aromatike, si dhe vajin e ullirit që vjen nga tradita dhe pasioni shqiptar.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
