Arti ka qenë gjithmonë pasqyra e shpirtit tonë, i pikturuar, i skalitur, i kapur dhe i imagjinuar brez pas brezi. Por deri më sot, i ka munguar një shtëpi e vërtetë digjitale.
Arti shqiptar meriton më shumë. Një hapësirë ku ai mund të rritet, të ndahet dhe të lidhet me botën. Këtë vizion sjell startup-i i ri n’Arte, një platformë e dedikuar për të krijuar ura mes artistëve, koleksionistëve, galerive dhe dashamirësve të artit, duke e çuar artin shqiptar përtej kufijve.
Më 10 shtator, në One Connect Hub, Piramida e Tiranës, ora 17:30–19:00, do të mbahet takimi i radhës në kuadër të sezonit të ri të Product Launch, i organizuar nga AlbaniaTech në bashkëpunim me startup-in n’Arte dhe me mbështetjen e One Albania. Ky aktivitet do të shënojë jo vetëm prezantimin e një platforme të re inovative, por edhe një hap të rëndësishëm në rrugëtimin drejt promovimit dhe digjitalizimit të artit shqiptar.
Një hapësirë për të gjithë
-
Artistët do të kenë mundësi të ndajnë zërin e tyre dhe të prezantojnë krijimtarinë në një audiencë më të gjerë.
-
Koleksionistët do të lidhen me kulturën dhe krijimet autentike shqiptare.
-
Galeritë dhe dashamirësit e artit do të zbulojnë horizonte të reja dhe prurje të freskëta.
Në një kohë kur arti kërkon hapësira të reja për të lulëzuar, a je ti pjesa që mungon? Përgjigjja është e thjeshtë: Bëje tënden.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
