Startup Grind mirëpret sot një investitor të rëndësishëm të përmasave ndërkombëtare. Elvin Guri vjen në një intervistë ekskluzive në Startup Grind Tirana, në orën 18:30, në One Store (Ish-Bllok).
Me Elvin Gurin do të flasë gjatë Aneida Bajraktari, për rrugëtimin e tij në sipërmarrje dhe si funksionon procesi i investimit në një startup.
Ju mund të bëheni pjesë e eventit duke blerë biletën Këtu!
Elvin Guri është një sipërmarrës i njohur, investitor dhe filantropist. Aktualisht ai është CEO i Empower Capital Advisors, menaxher i Empower Capital Funds, një grup privat fondi investimesh në sipërmarrje industriale në Europën Juglindore. Në 2001-2002 ai bashkë-financoi JetFinance International, i cili u bë financuesi më i madh i konsumatorëve në Europën Juglindore. Mes investimeve të tij të fundit është ONE Telecommunications, në Shqipëri, kompania e dytë më e madhe e telefonisë mobile në vend dhe me shpejtësinë më të madhe të rritjes. Z. Guri ka mbaruar një Executive MBA nga Universiteti i Oxford Said Business School. Ai dhe familja e tij mbështesin me entuziazëm Universitetin Amerikan në Bullgari, Universitetin Amerikan në Kosovë dhe Junior Achievement në Shqipëri dhe Bullgari.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
