Java Globale e Sipëmarrjes vjen në Shqipëri, në datat 13-19 Nëntor! 🚀 Kjo javë është një mundësi për inovacion, fuqizim dhe lidhje me sipërmarrës të tjerë.
Java Ndërkombëtare e Sipërmarrjes (GEW ALBANIA) do të ketë në fokus rritjen e ndërveprimit midis të gjithë aktorëve, rrjetëzimin, diversifikim e financimeve alternative fuqizimin e ekosistemit mbështetës, por mbi të gjitha transformimin e kulturës, së të bërit biznes me qasje ndaj risive globale dhe krijimit të vlerës së shtuar për ekonominë.
NË KËTË FRYMË, SESIONET QË DO TË ORGANIZOHEN DO TË PËRFSHIJNË:
- Aftësim dhe frymëzim nga histori suksesi sipërmarrjesh kombëtare dhe ndërkombëtare
- Motivim nga folës dinamik dhe takime me mentorë
- Programe aftësimi me partnerë të ndryshëm
- Diskutime me gratë sipërmarrëse, të rinj ambiciozë dhe drejtues biznesesh
- Diskutime në panele, prezantime dhe raporte të industrive
- Vizita në biznese dhe takime të dedikuara me drejtues të korporatave të huaja dhe vendase
Nën kujdesin e veçantë të Ministres së Shtetit për Sipërmarrjen dhe Klimën e Biznesit, znj. Delina Ibrahimaj, nga data 13 deri më 19 nëntor do të organizohen evente të ndryshme, të cilat i gjeni të specifikuara në link.
Për më shumë informacion, jeni të lutur të kontaktoni në adresën zyrtare: info@sipermarrja.gov.al
Mos e humbni këtë mundësi!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
