Çfarë e bën EWA 2025 një mundësi të veçantë?
EWA është një nismë e EIT Food, e mbështetur nga Instituti Evropian i Inovacionit dhe Teknologjisë (EIT), që synon të promovojë gratë sipërmarrëse në sektorin agroushqimor. Ky program vjen për të dytin vit rradhazi në Shqipëri, zbatuar nga Qendra Balance.
Pas një suksesi të dëshmuar në shumë vende të Evropës, EWA vazhdon të fuqizojë gratë inovatore, duke mbështetur modele biznesi të qëndrueshme dhe gjithëpërfshirëse.
Për vitin 2026, do të përzgjidhen 130 gra nga 13 vende europiane, përfshirë 10 pjesëmarrëse nga Shqipëria, të cilat do të angazhohen në një program 6-mujor që do të zhvillohet nga qershori deri në nëntor 2026.
Përfitimet për pjesëmarrëset përfshijnë:
– Program inkubimi të personalizuar për 6 muaj
– Trajnime në aftësi sipërmarrëse dhe zhvillim biznesi
– Mentorim individual me ekspertë të fushës
– Mundësi rrjetëzimi me aktorë kyç të sektorit agroushqimor
– Mbështetje financiare në formën e dy çmimeve kryesore: €10,000 dhe €5,000
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
