Një Program 3-vjeçar për Edukimin Teknologjik dhe Zhvillimin e Mendësisë Kreative që synon Nxënësit e Shkollave të Mesme. Kush nuk do të donte të ishte pjesë e një eksperience 3-vjeçare së bashku me të rinj të talentuar nga Silicon Valley, Universiteti Stanford, dhe qendra të tjera teknologjike të Amerikës së Veriut?
Kjo nuk është thjesht një ëndërr, por tashmë po ndodh: Rrjeti Shqiptar i Diasporës në Silicon Valley, Bashkia Korçë, së bashku me Qendrën AlphaPlan dhe Code.X – https://www.codedotx.org/, sjellin përsëri këtë vit Korça ICT Academy & Code for Albania – 2024.
Çfarë është Code for Albania? Është një program 3-vjeçar për edukimin në teknologji dhe zhvillimin e mendësisë së dizajnit për nxënësit e shkollave të mesme. Iniciativa, e cila vjen fillimisht nga vizioni i Alumni të Universitetit Stanford, ka për qëllim të përcjellë disa parime bazë të programimit dhe “Human Centered Design” në vendet ku teknologjia ende nuk është plotësisht e zhvilluar, për të krijuar kështu liderët e rinj në këtë fushë. Programi Korça ICT Academy & Code for Albania zhvillohet në dy seksione:
(1) Kampi Veror 2-javor i cili do të organizohet në Korçë nga 15 deri më 26 korrik 2024. 12 ditë klasë dhe aktivitete interaktive me instruktorë nga Code.X dhe instruktorë lokalë – ushqimi dhe akomodimi në konviktin e studentëve të Korçës janë të siguruara për nxënësit nga programi.
(2) Mentorimi gjatë vitit pasues, i strukturuar në punëtori një-ditore, të shtunave, çdo 3-4 javë. Gjatë punëtorive, do të rishikohen temat e mësuara gjatë verës së kaluar dhe pjesëmarrësit do të përgatiten për kampin veror të ardhshëm.
Jeni të interesuar të jeni pjesë e Korça ICT Academy & Code for Albania – 2024? *
Çfarë prisni? Plotësoni formularin më poshtë për tu regjistruar!
- (1) Kampi veror do të zhvillohet nga 15 deri më 26 korrik 2024 dhe aplikantët e përzgjedhur do të kalojnë në fazën e dytë të përzgjedhjes pas mesit të qershorit;
- (2) Programi ofrohet falas falë mbështetjes institucionale të Bashkisë Korçë dhe donatorëve të tjerë;
- (3) Aplikantët duhet të kenë përfunduar me sukses klasën e 9-të dhe të jenë në proces të regjistrimit në shkollën e mesme, ose të kenë përfunduar vitin e parë, nëse janë në shkolla profesionale.
- Këto kushte janë vendosur, në mënyrë që të ndiqen të gjitha 3 vitet e programit Code for Albania gjatë ciklit të shkollës së mesme. Programi zgjat tre vite.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
