Kush tha që nuk ka evente për të rinjtë?!
Ju prezantojmë me super eventin “Albanian NextGen Professionals”
Ideja për këtë event lindi nga vështirësitë me të cilat përballen profesionistët shqiptarë në Kanada. Shumë prej tyre hasin vështirësi në adaptim për shkak të dallimeve thelbësore në tregun e punës. Qëllimi kryesor i këtij eventi është ofrimi i mbështetjes dhe udhëzimit për profesionistët shqiptarë në zonën e Toronto-s që ballafaqohen me këto sfida.
Data dhe Ora: 24 Shkurt 2024 ora 17:00 Vendndodhja: Zona e Toronto-s (GTA)
Organizatorët: Ngjarja është e organizuar nga një grup i përkushtuar studentësh dhe profesionistësh që ndjejnë pasion për krijimin e një komuniteti mbështetës për profesionistët shqiptarë në GTA.
Aktivitetet e eventit: Çmimet NextGen: Një ceremoni shpërblimi për profesionistët shqiptarë të shquar. Nominimet mund të dorëzohen përmes këtij linku. Kategoritë e çmimeve përfshijnë: Profesionist Inkurajues, Arritje të Shquara dhe Tituj Surprise. Ceremonia e shpërblimit do të zhvillohet gjatë eventit.
Diskutimet në panel: Katër panele që mbulojnë: Teknologjinë dhe Startup-et, Komercialen, Ligjore Profesionet e Ndërtimit. Mbi 20 panelistë, përfaqësues të profesionistëve të dalluar në Toronto, do ndajnë përvojat dhe perspektivat e tyre
Pjesëmarrësit do kenë mundësinë të prezantojnë veten dhe profesionin e tyre. Do ndahen rrëfimet frymëzuese për të motivuar dhe udhëzuar ata që përballem me sfida. Sesione rrjetëzimi me mbi 200 profesionistë.
Pse të merrni pjesë?
Inspirim dhe Udhëzim: Merrni njohuri të çmuara nga profesionistë që kanë kapërcyer me shkathtësi sfidat.
Mundësi për Rrjetëzim: Lidhuni me mbi 200 profesionistë, duke krijuar mundësi të reja dhe bashkëpunime.
Udhëzim për Karrierë: Për të sapoardhurit dhe studentët, do të merrni udhëzim dhe motivim për rrugën tuaj profesionale.
Zbavitje: Shijoni skece argëtuese dhe merrni pjesë për të fituar çmime të veçanta.
Vishuni formalisht, mbërrini në kohë, dhe përgatituni për një përvojë të pasur dhe të këndshme!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
