Frymëzimi i gjeneratës së ardhshme të grave në teknologji
Në episodin e tretë të Roleve Model Shqiptare, do të jetë e ftuar Julia Stefani, një model frymëzues dhe një grua e suksesshme në teknologji.
Julia ka një përvojë akademike të gjerë, është diplomuar në BA në Administrim Biznesi, Financë dhe BSc. në Shkenca Kompjuterike nga Universiteti Shtetëror Truman.
Pas diplomimit ajo ka filluar karrierën e saj si inxhiniere webi në Monsanto, një kompani e madhe bujqësore, e cila tani është pjesë e Bayer, grupit gjigant farmaceutik. Ndërsa punonte, ajo ka vazhduar karrierën e saj akademike dhe ka mbaruar Masterin në Menaxhimin e Informacionit dhe Menaxhimin e Projektit në Universitetin Uashington në St. Louis.
Pasi fitoi gradën e masterit, ajo shkoi në Kaliforni, ku ka punuar për gati 5 vjet në Expedia, 2 vjet në Facebook si Menaxhere e Programit Teknik dhe aktualisht punon në SoFi si Menaxhere e Produkteve. Ajo jeton në Berkeley, California me burrin dhe djalin e saj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
