Filmi me metrazh të shkurtër “Ana tjetër” me skenar dhe regji realizuar nga vetë maturantët e shkollës Don Bosko vjen ditën e mërkurë me 10 Prill, ora 18.00 në Akademinë e Filmit dhe Multimedias Marubi premierë për publikun.
Ky projekt është pjesë e lëndës së biznesit “Shoqëria e nxënësve – Bëhu sipërmarrës” drejtuar nga Junior Achievement Albania.
Filmi “Ana tjetër” trajton një problem social, një plagë të shoqërisë, e cila vazhdon edhe në ditët e sotme. Bota e brendshme e një të riu flet edhe për të rinjtë e tjerë. Një vlerë të madhe artistike i jep edhe pjesëmarrja e aktores dhe regjizores Suela Bako.
Një mesazh për jetën dhe bukurinë e saj, për tolerancën, ndërgjegjësimin e të rinjve dhe triumfin e vlerave të vërteta peërcillet ndërmjet filmit të këtyre të rinjve.
Janë të gjithë të mirëpritur për të dhënë përshtypjet rreth filmit më të ri.
Ne besojmë tek energjia e rinisë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
