Ndershmëria mund të jetë virtyti më mirë i njeriut, deri në momentin që ai intervistohet për një pozicion të ri pune. Sipas psikologut Ron Friedman, 81% e njerëzve gënjejnë gjatë intervistave të punës.
I frymëzuar nga kjo, Elon Musk sjell një strategji të re për të kapur bllofin e kandidatëve: Cilat janë problemet më të mëdha me të cilat je përballur dhe si i ke zgjidhur ato?
Duke folur në Samitin e Qeverisë Botërore në Dubai, miliarderi i teknologjisë tha se kjo pyetje “shumë e rëndësishme” zbulon rolin që një aplikant ka në një projekt apo kompani. Nga kjo pyetje, Musk thotë se ai mund të dallojë nëse aplikanti ishte me të vërtetë ai që mori përgjegjësinë dhe gjeti zgjidhje për një problem, apo thjesht ka qenë anëtar në një ekip që e bëri këtë.
“Njerëzit të cilët zgjidhin me të vërtetë një problem, dinë gjithçka për të,” shpjegon Musk. “Ata dinë çdo detaj.” Këta kandidatë janë në gjendje të flasin për vështirësitë me të cilat janë përballur dhe strategjitë të cilat kanë përdorur.
“Kushdo që përpiqet për një problem nuk e harron kurrë,” tha Musk, gjatë konferencës.
Si kandidat, është e rëndësishme të mbani mend se nuk do të përmbushni të gjitha kërkesat e listuara në përshkrimin e punës, dhe kjo është në rregull, thotë trajneri ekspert i intervistave Barry Drexler.
Jini të ndershëm në lidhje me të metat tuaja kur pyeteni drejtëpërdrejt për to, por jepuni përgjigjeve tuaja një ngjyrim pozitiv. Nëse një punëdhënës kërkon një aftësi që ju mungon, shpjegoni atë që dini për aftësitë, jepni shembuj të aftësive të ngjashme që keni dhe shprehni gatishmërinë për të mësuar.
Për shembull, nëse një intervistues pyet nëse keni përvojë menaxheriale, një përgjigje e mirë do të ishte: “Unë nuk kam përvojë menaxheriale, por më është dhënë e drejta të drejtoj projekte të ndryshme gjatë të cilave u delegova detyrat bashkëpunëtorëve të tjerë dhe arritëm rezultate të kënaqshme. Bazuar te kjo, unë jam i sigurt se mund të menaxhoj në mënyrë efektive një ekip dhe jam i gatshëm të mësoj nga ata që janë më lart”.
Gjithmonë tregohuni sa më të sinqertë kur diskutoni fushat në të cilat nuk jeni plotësisht të kualifikuar, dhe sigurohuni që ta “ktheni atë në favorin tuaj”.
/CNBC
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
