Ekzekutivja e Thesarit Amerikan bën thirrje: Monedhat e qëndrueshme digjitale po funksionojnë si banka. Duhen rregullime - Business Magazine Albania

Ekzekutivja e Thesarit Amerikan bën thirrje: Monedhat e qëndrueshme digjitale po funksionojnë si banka. Duhen rregullime

Kompanitë e teknologjisë që nuk janë të licencuara si banka nuk duhet të ofrojnë monedha të qëndrueshme kripto(stablecoin), sipas Nënsekretares së Thesarit të SHBA për Financat e Brendshme Nellie Liang.

Liang u tha ligjvënësve në Komitetin e Shërbimeve Financiare të Dhomës së Përfaqësuesve se firmat që lëshojnë tokenat për t’i lejuar njerëzit të paguajnë për mallrat dhe shërbimet duhet të përballen me një kontroll të shtuar që marrin huadhënësit sipas rregullave të SHBA. Komentet e saj vijnë pasi Facebook muajin e kaluar braktisi planet për të nxjerrë një monedhë të qëndrueshme(stablecoin) që solli kundërshtime të ashpra nga Uashingtoni.

Shqetësimet se monedhat e qëndrueshme janë të rregulluara në mënyrë të pamjaftueshme janë përhapur që nga viti 2019 kur rregullatorët amerikanë shprehën shqetësim për planet e Facebook për të krijuar një monedhë që mund të ishte përdorur nga miliarda përdorues të mediave sociale të kompanisë. Të martën, Liang tha se kishte një nevojë “urgjente” që Kongresi të miratonte legjislacionin e fokusuar në sektorin me rritje të shpejtë në botën e kriptomonedhave.

Lexo edhe: “E ardhmja e valutave”. Ekonomistët mendojnë se fundi i parasë fizike po vjen. Po kush do ta zëvëndësojë?

“Kjo është një çështje urgjente duke pasur parasysh rritjen e shpejtë të këtij tregu,” tha Liang në një intervistë përpara seancës. Në dëshmi ajo tha se vlera e tregut për asetet ka shpërthyer në rreth 175 miliardë dollarë nga afërsisht 5 miliardë dollarë në fillim të 2020.”

Monedhat e qëndrueshme janë një formë e monedhës dixhitale e lidhur zakonisht me dollarin amerikan ose me valuta të tjera.

Thirrja për veprime të Kongresit nga Liang vjen pas një raporti vitin e kaluar nga një grup rregullatorësh kryesorë amerikanë të njohur si Grupi i Punës i Presidentit për Tregjet Financiare, i cili bëri thirrje që monedhat e qëndrueshme të rregullohen më shumë si bankat.

Bloomberg

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0