Kush ka ndërmend që të udhëtojë në rrugë detare drejt Italisë së Jugut apo Greqisë, duhet të mendohet dy herë ose t’i shtyjë planet e udhëtimit për tre ditët e ardhshme. Drejtoria e Përgjithshme Detare në Durrës ka njoftuar për përkeqësim të motit në pjesën veriore të detit Jon. Sipas disa të dhënave nga agjencia meteorologjike në Athinë, në Mesdhe do të formohet një ciklon i cili do të përshkojë zonën detare deri në jug të detit Jon.
Si rezultat i krijimit të këtij cikloni, me erëra të fuqishme dhe reshje shiu, nga mbrëmja e datës 16 shtator deri më 19 shtator 2020. Moti i përkeqësuar në jug të Italisë do të vazhdojë në drejtim të lindjes më konkretisht në zonën e Greqisë. Këto zona do të përfshihen nga era me shpejtësi deri në 60 milje në orë ku lartësia e dallgës së detit arrin në 5.5 metra dhe periudha 8 sek. Ditën e premte dhe të shtunë vendi ynë do të përfshihet nga era me drejtim veri, veri-perëndim, veri-lindje.
https://www.facebook.com/drejtoriadetare/posts/1210404045985732
Me qëllim parandalimin e çdo situate të papritur për shkak të kushteve atmosferike kërkojmë bashkëpunimin e të gjithë subjekteve që ushtrojnë veprimtari në fushën e detarisë dhe që udhëtojnë në destinacion zonën e detit Jon i Veriut, më konkretisht në zonën e Italisë së Jugut dhe Greqisë, duhet të marrin të gjitha masat e nevojshme për të qenë të sigurt dhe parandaluar çdo rrezik të mundshëm për shkak të kushteve të përkeqësuara të motit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
