Pas disa vitesh bankat tregtare të dala në shitje në tregun vendas duket se po arrijnë të negociojnë transaksionet e shit-blerjeve. Fibank, banka me kapital bullgar, vlerësohet të ketë nisur bisedimet për të blerë Tirana Bank.
Për nga vlera e kapitalit, Tirana Bank, është më e madhe se Fibank, por Tirana Bank, e cila renditet e gjashta për nga madhësia e saj është pjesë e hershme e planit të ristrukturimit të Grupit Pireus Bank.
Fibank duket se ka shprehur interes konkret për Tirana Bank. Kjo nuk është risi për bankën e vogël bullgare.
Sipas të dhënave të tregut bankar, Fibank ka ende një peshë të vogël me vetëm 1.4% të totalit të aseteve. Tirana Bank, ka një peshë gati 4 herë më të lartë, me 5.4% të totalit të aseteve.
Më parë, Fibank garoi për blerjen e Credit-Agricole, por pa sukses. Edhe në rastin e NBG Bank, Fibank cilësohet të ketë qenë një nga kandidatët kryesorë për blerje, por transaksioni u realizua me sukses në favor të Bankës Amerikane të Investimeve, ABI Bank.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English