Shuma prej 541 milionë eurosh është dërguar nga emigrantët këtë vit për familjarët e tyre në Shqipëri. Kjo sasi parash është rritur me 15% krahasuar me vitin e kaluar, kur shtetet u izoluan për shkak të pandemisë.
Por, nëse shohim në vite, për herë të fundit kjo sasi parash u regjistrua në vitin 2009. Mandej dërgesat ishin ndërmjet 400 deri në 500 milionë euro.
Italia dhe Greqia janë kanalet kryesore, kjo për shkak të numrit të madh të emigrantëve që jetojnë e punojnë në shtetet fqinje.
Por, vitet e fundit po rriten edhe prurjet nga vendet e reja të emigrimit, kryesisht nga Britania e Madhe dhe Gjermania.
Kujtojmë se kjo e fundit është ndër shtetet që ka afruar më shumë shqiptarë, me kontrata pune.
Referuar bankës qendrore, përgjatë kësaj periudhe është vërejtur një rënie e lehtë e përdorimit të kanaleve formale për dërgesat nga emigrantët përmes sistemit bankar e rrugëve të tjera zyrtare, teksa janë rritur dërgesat në cash si pasojë e lëvizjes së emigrantëve me zbutjen e masave kufizuese.
Që prej vitit 2015 e deri në vitin 2019 para krizës së pandemisë niveli i remitancave ka parë një rritje të vazhdueshme duke reflektuar edhe emigracionin masiv të shqiptarëve përtej kufijve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
