Diaspora dërgoi 1.13 miliardë euro remitanca në 2021-in. Shqipëria ka “varësinë” më të lartë në rajon - Business Magazine Albania

Diaspora dërgoi 1.13 miliardë euro remitanca në 2021-in. Shqipëria ka “varësinë” më të lartë në rajon

Euro

Në Shqipëri diaspora dërgoi rreth 1.13 mld euro në vitin 2021 sipas shifrave të Eurostat. Eurostat tregon se vendi ynë ka varësinë më të madhe në kontinent dhe rajon nga remitancat, që arrijnë në 6.7% të PBB-së. Mali i Zi vjen pas nesh me 6.1%.

Duke vërejtur më tej të dhënat shihet se shumat më të mëdha të parave janë dërguar nga emigrantët shqiptarë në Itali, që vazhdon të kryesojë në listë. Janë rreth 279 milion euro të dërguara nga fqinji përtej Adriatikut, ndërkohë pas saj vjen nga Mbretëria e Bashkuar me 206 milion euro. Nga 2017 është rritur me 11 milion euro shuma e parave të dërguara nga ishulli, ndërsa gjithnjë e më shumë shqiptarët emigrojnë drejt këtij destinacioni.

Në vendin e tretë për dërgimin e parave është Gjermania me plot 172.8 milion euro, e cila ka rritje me 70%. Në 2017-ën nga ky vend dërgoheshin 100 milion euro.

Lexo edhe: Përfaqësues të Diasporës i kërkojnë qeverisë shqiptare të drejtën e votës

Në vendin e katërt për paratë e dërguara qëndron Greqia me 172.3 milion euro. Edhe pse vitet e fundit ky vend preferohet më pak për emigrim, sërish dërgesat vijnë me rritje nga 2017, ku niveli qëndronte në 90 milionë euro.

Në total nga 27 vendet e BE janë dërguar 744.6 milion euro, ndërsa tashmë përvec se para për konsum në familje, diaspora po investon edhe në pasuri të paluajtshme. Gjithashtu që pas fillimit të pandemisë gjithmonë e më shumë po dërgohen para nëpërmejt kanaleve zyrtare, që ka rritur konsiderueshëm vlerën e parave që dërgohen në vend.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0