BusinessMag ka renditur për ju disa dhurata të thjeshta që mund t’ju largojnë stresin e pazareve të fundvitit.
Bimët shtojnë gjallërinë në zyrë.
Studimet e shumta tregojnë se punonjësit performojnë më mirë kur janë të rrethuar nga bimët në ambjentin e punës.
Shënimet gjithmonë janë të rëndësishme.
Pavarësisht profesionit, shënimet janë të rëndësishme për të organizuar çdo detyrë. Një ose disa blloqe shënimesh do të ishin një dhuratë e mirë për kolegët tuaj.
Mbajini kolegët të hidratuar.
Quajeni modeste, por një shishe hermetike do të ishte një dhuratë e shkëlqyer. Gjithashtu ajo mban një sasi të madhe uji dhe në këtë mënyrë ju kontribuoni në hidratimin e kolegut tuaj.
Shtojini pak intrigë kafes së mëngjesit.
Ky filxhan besoj nuk ka nevojë për koment…
Kufjet janë dhurata që të gjithë pëlqejnë.
Kjo dhuratë nuk do t’ju lërë në baltë. Nëse punoni përpara një kompjuteri, kufjet ju ndihmojnë të “arratiseni” për pak nga ambjenti i zyrës ku ndodheni. Muzika eleminon shpërqëndrimet e ndryshme dhe ju argëton në të njëjtën kohë.
Kush mund ti thotë jo një shisheje me verë?
Për festat e fundvitit, pak alkool nuk bën dëm e sidomos kur të vjen dhuratë nga një kolegë i dashur. E vjetër ose jo, e bardhë apo e kuqe, këtë dhuratë nuk do ta refuzonte askush.
Dhuratat e bëra me dashuri janë ato që vlerësohen më shumë.
Nuk ju duhet të shpenzoni sasi të mëdha parash për të treguar vlerësimin tuaj. Nëse keni talent në gatim, gjeni kohë të përgatisni disa biskota apo ëmbëlsira. Në të kundërt, nëse dhurata është nga ato të minutave të fundit mund të blini disa ëmbëlsira (Panettone), që të ëmbëlsoni stomakun e kolegut tuaj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
