Cilat janë shenjat e horoskopit që kursejnë më shumë para?


Shenja e horoskopit tregon edhe mënyrën si i menaxhoni paratë.

Sipas ekspertëve, janë këto 3 shenja që dominojnë më shumë, për kursimin e tyre në mënyrën më të mirë.

Bëhet fjalë për : demin, virgjëreshën dhe bricjapin.

1. Demi

Demat shqetësohen të kenë mjaftueshëm para edhe nëse mund të jenë në gjendje të mirë ekonomike. Ata duan siguri për të bërë një jetë të mirë dhe për ta shijuar jetën. Për këtë arsye, ata njihen si kursimtarë të mirë dhe nuk i shpërdorojnë lehtë paratë. Ndonjëherë, ata harrojnë jetën e tyre personale, për shkak të kujdesit të tyre për anën financiare.

2. Virgjëresha

Virgjëreshat përgatiten për çdo gjë në jetën e tyre, që mund t’i dali jashtë planit. Frika nga gjërat e tilla, i bën ata të jenë më shumë të kujdesshëm me menaxhimin e të ardhurave. Ata mundohen t’a shijojnë jetën e tyre duke shpenzuar, por gjithmonë kanë një rezervë për paratë e tyre.

3. Bricjapi

Njerëzit që kanë këtë shenjë, njihen që punojnë fort dhe mendojnë për ditët e vështira. Motoja e një bricjapi është “puno fort, për të pasur qëndrueshmëri”. Ndonjëherë i mërzisin të tjerët, me fiksimin që kanë për punën e tyre, por kjo i ndihmon ata të kursejnë shumë dhe të mos shpenzojnë për gjëra pa vlerë.

/YourTango

Must watch
Business Mag Nr. #25 - Mars 2021

Në Mars bëhet një vit nga identifikimi i personit të parë me Covid në Shqipëri. Prej asaj dite, zhvillimet e sipërmarrjes ishin tërësisht të tjetërsuara. Në kushte tërësisht të ndryshme, ata duhej ta merrnin ose ta linin çdo mundësi. Të hidhen në hapësira të panjohura, pa asnjë siguri se ku do të përfundonin, të tkurren apo fatkeqësisht të mbyllen.

Kur tashmë ka kaluar një vit, sipërmarrësit janë pak më të lodhur dhe njëkohësisht pak më të qartë për atë çfarë po ndodh. Në këtë numër të fundit vijnë sipërmarrës dhe kompani që reaguan me ritme po aq të shpejta sa pandemia, për të sjellë gjetje të reja. Nuk po flasim vetëm për kompanitë e teknologjisë, por edhe për nisma në bujqësi. Nuk po flasim vetëm për vendin tonë, por edhe për pothuajse të njëjtat strategji të ndjekura edhe nga kompani të mëdha ndërkombëtare.

Sot një vit, kuptojmë se ku kanë çuar hapat e ndërmarrë të disa të rinjve, si në fushën e produksionit, edhe në shërbimet teknologjike. Si kanë arritur të rimëkëmben brande të vjetra, apo të fuqizohen ato ekzistuese, duke shtuar gamën, përmirësuar cilësinë apo duke zgjeruar tregun.

Nëse ka një hap që nuk është ndalur, po aq sa mjekësia, është fusha e biznesit.  Gjetjet e reja dhe në formë të shpejtë rezultuan të jenë e vetmja zgjidhje. Paketat mbështetëse nga qeveria kanë tashmë një përmasë më të qartë në efektin e vakët të mbështetjes së biznesit.

Sfidat për sipërmarrjen vazhdojnë të forta edhe këtë vit.

Së pari, sipërmarrja është edhe më e ndërgjegjshme që pandemia do të qëndrojë edhe për disa kohë mes nesh.

Së dyti, kushtet e punës vijojnë të ndryshojnë dhe koha e zgjatur mund t’i kthejë ato në kushte bazë për të vijuar më tej.

Së treti, sipërmarrjes shqiptare i duhet të shtojë më tej përpjekjet në kushtet e rritjes së kostove dhe kërkesës së ulur. Janë rritur kostot e naftës dhe kostot e punës.

Së katërti, sipërmarrja duhet të operojë në një vit elektoral, kur performanca e administratës është në nivelet më të ulëta të çdo 4 vjeçari në pushtet dhe ku fushata elektorale “pezullon’ investimet e mundshme private, nxit investimet publike, por vetëm në interesa të veçantë dhe gjithnjë me orientim elektoral.

Vaksinimi i shpejtë dhe mbarëvajta e zgjedhjeve do të ishin një mundësi e mirë për sipërmarrjen vendase, duke lehtësuar sadopak efektet e pashmangshme të pandemisë.

Shiko më shumë
Na ndiqni në rrjetet sociale