Çfarë të bëni gjatë muajit Prill në Tiranë?


/Visit Tirana

Prilli është një ndër muajt ku në Tiranë ndihet një gjallëri e madhe. Pas muajit Mars, herë me shi e herë me diell, vjen Prilli me motin e ngrohtë.

Këtë muaj janë planifikuar disa evente madhore në Tiranë duke filluar me Panairin e Tretë Ndërkombëtar të Turizmit, Ballon Vjeneze Edicioni i Dytë, Panairi i Edukim dhe Punësim deri në koncertin e madh të Olen Cesarit me artistë të tjerë me famë botërore. Kini parasysh që shumica e evente në Tiranë njoftohen një ose dy javë para se të zhvillohen.

Në 21 Prill festohen Pashkët Katolike dhe 28 Prill Pashkët Ortodokse. Komuniteti i Krishterë në Shqipëri e feston në mënyra të ndryshme, por e përbashkëta është shkuarja në kishë, më pas gatimet tradicionale të ditës së shënuar, pa harruar “vezët e ngjyrosura” si simbolikën e festës.

Nëse jeni në Tiranë gjatë festës së Pashkëve, ne ju sugjerojmë të vizitoni Katedralen Ortodokse “Ringjallja e Krishtit” dhe Kishën Katolike të Shën Paulit, për të ndjerë atmosferën e Festës së Pashkëve.

Në Prill është parashikuar mot i ngrohtë, me temperatura që arrijnë deri në 20 gradë në javën e parë. Koha është perfekte për të shijuar sa më shumë qytetin me baret e hapura, koncerte, shëtitje si dhe natyrën në destinacionet turistike përreth Tiranës.

Një pranverë aventuriere

Sapo ngrohet koha, të gjithë duan të jenë sa më shumë në natyrë. Disa preferojnë shëtitjet, disa preferojnë të organizohen me familjen ose miqtë për piknik në parqet e Tiranës si në Parkun e Madh, Parku Rinia ose në fshatrat e Tiranës. Parku Kombëtar i Malit të Dajtit është një mundësi e shkëlqyer argëtimi dhe pushimi. Ju mund të provoni adrenalinën që ju fal Parku i Aventurave në Dajt, i krijuar për të rritur dhe fëmijë.

Nëse ju pëlqen të vizitoni destinacione natyrore të reja në Tiranë, keni një sërë mundësi zgjedhje. Udhëtim në Liqenin e Bovillës, në Farkë, Kasharë, Pezë, Shëngjergj, Pëllumbas, Petrelë, Prezë, ose udhëtim në Malin me Gropa. Të gjithë këto destinacione ofrojnë pamje mbresëlënëse të lulëzimit dhe gjelbërimit.

Gjatë Prillit do të shihni që njerëzit preferojnë të drekojnë në restorante të hapura, në tarraca etj. Të huajt e kanë lakmuar ushqimin në Tiranë për ndërthurjen e gatimeve me ndikim kultura të ndryshme.

Për të apasionuarit pas fotografisë, mos harroni të postoni fotot tuaja nga pranvera në Tiranë duke përdorur hashtag #TiranaSpring2019. Si të marrësh pjesë? Kliko Këtu për rregullat e pjesëmarrjes.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale