Bëhuni pjesë e hakatonit: Hack the Crisis Albania


Hack the Crisis Albania është një hakaton online, në të cilin pjesëmarrësit do të paraqesin zgjidhje për krizën më të madhe të jetës tonë, që po ndikon të gjithë botën, pandeminë e koronavirusit.

Si do ta ndihmojmë shoqërinë shqiptare ta kapërcejë këtë situatë? Kjo është një thirrje për veprim për të gjithë ata, që dëshirojnë të bëhen pjesë e sfidës. Duke filluar nga dita e premte, 3 prill, ora 17:00, pjesëmarrësit do të zhvillojnë për 48 orë idetë, që janë të aplikueshme/ mund të kthehen në ‘prototip’, dhe të cilat mund të ndihmojnë në zgjidhjen e krizës apo në trajtimin e pasojave të saj.

Idetë mund të lidhen me slogane/ qëllime si:
– shpëtoni jetë,
– ndihmoni komunitetet,
– ndihmoni sipërmarrjet.

Pjesëmarrësit e hakatonit do të mbështeten nga një skuadër mentorësh dhe idetë fituese do të marrin çmime dhe ndihmë të mëtejshme nga organizatorët, për të implementuar idenë apo produktin.

Si mund të bëheni pjesë  nismës?

Aplikoni individualisht ose në skuadër deri në 2 prill 2020, ora 23:59.

Për ekipet:
Ndërtoni një ekip dhe krijoni një ide! Në rastin ideal, ekipi juaj duhet të jetë “i ekuilibruar”, me pjesëtarë në role të ndryshme si programues, projektues, menaxher projekti/ udhëheqës i ekipit, vizionari, por edhe sipërmarrësi, në mënyrë që zgjidhja të konceptohet dhe të prezantohet në 48 orë! Ideja juaj mund të bazohet në një zgjidhje ekzistuese që ju e adaptoni për këtë situatë. Ekipet mund të aplikojnë duke klikuar këtu.

Për individët:
Ju gjithashtu mund të merrni pjesë si një individ/ person i vetëm. Organizatorët do t’ju ndihmojnë të gjeni ekipin/ idenë për t’ju bashkuar. Individët duhet të klikojnë këtu, për të paraqitur kërkesën e tyre.

Pasi të keni dërguar informacionin tuaj, thjesht rezervoni fundjavën e 3-5 prillit, në kalendarin tuaj dhe bëhuni gati të merrni pjesë në hakaton!
Të gjithë informacionin e nevojshëm mbi procesin e hakatonit, do ta merrni nëpërmjet adresës suaj të email-it.

Iniciativa “Hack the Crisis Albania”, është pjesë e lëvizjes ndërkombëtare “Hack the Crisis” nisur nga Garage48, Accelerate Estonia dhe i gjithë komuniteti i start-upeve në Estoni, në mars 2020.

Organizatorët janë të hapur për partneritete dhe mentorë për t’iu bashkuar nismës. Nëse jeni të interesuar t’i mbështesni në rolin e mentorit, mos ngurroni t’i kontaktoni.

Më shumë informacione mbi hakatonin mund të lexoni këtu.

 

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale