Avokatja Elierta Myftari, një prej vajzave shqiptare të suksesshme në Itali - Business Magazine Albania

Avokatja Elierta Myftari, një prej vajzave shqiptare të suksesshme në Itali

Elierta Myftari

Është ëndrra e kujtdo që të shkëlqejë në vendin ku ka vendosur themelet e jetës së tij. E njëjta gjë vlen dhe për Elierta Myftarin, e cila nga studimet e saj në Elbasan dhe nga transferimi në Napoli vendosi të shkojë në Milano, ku tashmë jeton dhe zhvillon aktivitetin e saj si avokate. Ajo e pranon se një rrugë e tillë ka vështirësitë e tij, por mesa duket Elierta ia ka dalë më së miri të shkëlqejë në një vend si Milano. Elierta që nga tetori i  vitit 2016 është pjesë e Dhomës së Avokatisë në Tiranë dhe në 2019 është bërë pjesë e Dhomës së Avokatisë në Milano.

Në një intervistë për Premium Channel e Radio Travel ajo tregon se si të gjithë vajzat dhe djemtë e moshës së saj të gjeneratës së viteve ’70- 80, “jemi rritur me frymën e ëndrrës së Italisë. Jemi rritur me filma italianë dhe me Italinë që e shikonim në televizor dhe bënim tifo për të, madje dhe në kampionatet botërore dhe europiane. Ndaj ishte një ëndërr dhe situata falimjare bëri që të mblidheshim në Itali, më saktë për arsye zemre”.

Lexo: Fastcall, investimi i dytë në Shqipëri pas projektit INIMA

Pasi ka jetuar e studiuar disa vite në Napoli, Elierta bashkë me familjen janë zhvendosur në Milano. Ajo tregon se nuk ka hasur vështirësi, përjashtuar ato të emigrimit, ose vështirësitë e të qenurit një studente, nënë, grua njëkohësisht.
Me baza edukimi në fushën e artit, Elierta bën një ndryshim në studime. “Pianon u detyrova ta lija në fillimin e viteve 90 sepse pati trazira, tipike të kalimit nga një sistem në tjetrin dhe ishte e vështirë fizikisht të shkoje pasdite dhe të bëje leksionet e pianos në shkollë”. Pastaj, ajo studioi në Liceun e Gjuhëve të Huaja në Elbasan, për gjuhë franceze, por që kur ishte e vogël kishte ëndërr të ishte hetuese, gjykatëse ose police.

E pyetur për ndryshimin e stilit të jetesës mes Caserta-s në Napoli dhe Milanos, Elierta shprehet se, është ndryshe, jo vetëm nga karakteri, por edhe mënyra e jetesës. Qyteza ku jetoja më përpara në provincën e Caserta-s, ishte miqësore. Kudo që shkoje takoje një person të njohur, ndaloje, shkëmbeje fjalë, pra çdo gjë e organizuar si në Shqipëri. Ndërsa veriu i Italisë, më saktë provinca e Milanos ndryshon shumë. Dyqanet e lagjes janë të rralla, puna është më larg dhe blerjet bëhen kryesisht në qendrat tregtare.

Duke mos përjashtuar elementët kriminalë me origjinë shqiptare, të cilët sipas saj akuzohem më së shumti për substancat narkotike, Elierta thekson se po njeh gjithnjë e më shumë shqiptarë që kanë arritur pozicione të rëndësishme dhe të mira në Milano. “Sa më shumë kohë kalon aq më shumë persona njoh. I ke në fushën e drejtësisë, mjeksisë, ndërmarrje të ndryshme, qoftë në ndërtim, qoftë në startup. Nuk ka një fushë të caktuar të shoqërisë italiane ku nuk gjen një shqiptar që ka arritur diçka”.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0