John McFall nuk ka lejuar që humbja e këmbës së djathtë në një aksident motorri t’i vendosë kufij ëndrrave. Britaniku, kampion paralimpik dhe kirurg ortopedik, po bëhet astronauti i parë me aftësi të kufizuara që do të fluturojë drejt Stacionit Ndërkombëtar të Hapësirës.
Pasi u zgjodh mes mbi 22,500 aplikantësh për klasën e parë të astronautëve të Agjencisë Europiane Hapësinore në 13 vjet, McFall kaloi dy vite duke testuar mundësinë teknike për një para-astronaut në orbitë. Rezultati? Një “po” e qartë dhe e vendosur për një mision gjashtëmujor në ISS.
Lexo gjithashtu: Empatia, “superfuqia” e re e liderëve në epokën e AI
McFall thotë se kjo nuk është vetëm historia e tij personale, por një “ndryshim kulturor”. Përtej eksperimenteve dhe kërkimeve që do të kryejë në mikrogravitet, ai shpreson që teknologjitë dhe zbulimet e hapësirës të kthehen në përfitime për jetën e përditshme këtu në Tokë.
Liz Johns nga Agjencia Hapësinore e Mbretërisë së Bashkuar shton: “Ky është një hap historik që asnjë agjenci tjetër hapësinore nuk e ka ndërmarrë më parë.”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
