Astronauti i NASA-s Don Pettit krijoi një pajisje që e ndihmoi të bënte fotografi të yjeve ndërsa ndodhej në Stacionin Ndërkombëtar të Hapësirës (ISS) . Duhet ta pranojme që ezultatet janë mjaft mbresëlënëse. Në një postim në Reddit, Pettit përshkruan se si solli një sistem ndjekës të yjeve të bërë vetë në hapësirë. Ky sistem i lejonte kamerës së tij të kapte fotografi pa lënë pas shenja yjore.
Sistemet ndjekëse të yjeve janë të dizajnuara për t’u rrotulluar me Tokën. Ndërsa në rastin e Pettit, me ISS-në parandalojnë deformimet kur bëhen fotografi të qiellit natën. Një nga fotografitë e Pettit, të cilën mund ta shihni më lart, është një ekspozim me kohë 15 sekonda. Ai thotë se ndjekësi i tij kryen një rrotullim çdo 90 minuta për të përputhur shpejtësinë e lëvizjes së ISS-së. “Pa këtë nuk mund të bëni foto më të gjata se 1/2 sekondë pa pasur mjegullim të yjeve për shkak të shpejtësisë së lëvizjes orbitale,” shkruan Pettit.
Pettit thekson se rregullimi i ndjekësit në një platformë në lëvizje nuk është një detyrë e lehtë. Ai shton se mund të bëjë ekspozime deri në 30 sekonda. Bërja e fotografive përmes dritareve të ISS-së paraqet gjithashtu një sfidë tjetër. “Duke parë përmes 4 paneve xhami, në një kënd, shkakton deformime dhe lëvizje të yjeve të shkaktuara optikisht,” thotë Pettit.
Lexo edhe: Ja strategjitë që duhet të përdorni në çdo debat
Nëse dëshironi të shihni më shumë imazhe mbresëlënëse të kapura nga Pettit, mund t’i shikoni ato në faqen e tij në Reddit, X dhe Instagram.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
