Kompania AstraZeneca ka ndaluar testimet e vaksinës së saj eksperimentale kundër Covid-19 pasi një prej vullnetarëve pësoi një efekt anësor të paparashikuar.
Në deklaratën zyrtare, AstraZeneca e quajti efektin anësor tek pacienti ‘një sëmundje të pashpjegueshme’ pa dhënë sqarime të mëtejshme. Menjëherë pas lajmit, aksionet e kompanisë ranë me 3 përqind në Londër.
Vaksina eksperimentale, të cilën AstraZeneca po e zhvillon bashkë me studiues nga Universiteti i Oksfordit, është parë si një nga kandidatët kryesorë të vaksinave anti-covid. Testimet janë shtrirë në grupe të mëdha njerëzish dhe në disa vende të botës si në Britani të Madhe, SHBA, Brazil dhe Afrikën e Jugut.
Kjo vaksinë është një prej vaksinave të mbështetura financiarisht nga Shtetet e Bashkuara të Amerikës dhe vende si Britania e Madhe kanë porositur paraprakisht sasi të mëdhaja të vaksinës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English