Artistët tani po i kthejnë maskat në marka - Business Magazine Albania

Artistët tani po i kthejnë maskat në marka

Nuk u desh shumë kohë që njerëzit ta pranojnë se maskat tashmë janë pjesë e përditshmërisë tonë. Për këtë arsye të gjithë po mundohen të krijojnë maska të llojeve të ndryshme si një mënyrë për të bërë biznes. Në valle janë futur dhe artistët ndërkombëtarë, të cilët i kanë dizajnuar ato me printime të lezetshme, verore. Yje të tillë si Jennifer Aniston, Lady Gaga, Lizzo dhe më shumë, të gjitha kanë postuar foto të vetes me maska që jo vetëm që mbrojnë veten dhe të tjerët, por edhe përfaqësojnë stilin e tyre personal.

Tani ne po shohim një anë tjetër në këtë trend. Artistët janë duke prodhuar maska për ti shitur ndërsa promovojnë gjithashtu këngët e tyre. Dyqani “Chromatica” i Lady Gaga-s po shet një maskë rozë “Sour Candy” me dhëmbë mbi të. Katy Perry po shet një maskë me mbishkrimin “Smile” që është titulli i albumit të saj të ardhshëm. Nicki Minaj, Bad Bunny dhe BTS janë gjithashtu pjese e trendit.

Disa artistë, ndryshe nga pjesa tjetër, po i  përdorin shitjet e maskave të tyre për bamirësi. Ariana Grande dhe Justin Bieber kanë krijuar një maskë të frymëzuar nga kënga e tyre “Stuck With U” që doli gjatë izolimit dhe të gjitha të ardhurat nga ajo po i dhurohen Fondacionit të Fëmijëve. The Weeknd gjithashtu ka nxjerrë një maskë “XO” që i dedikohet studios së tij muzikore dhe 100% e të ardhurave shkon për bamirësi. Nëse instinkti juaj i parë është të bërtisni “Kapitalizëm!” mendoni pse shitja e maskave është një veprim i zgjuar. Së pari, në këtë kohë asgjë nuk po blihet më shumë sesa një maskë dhe nëse e doni një artist, të blesh maskën e tij/saj tregon dashurinë dhe këta artistë e dinë që njerëzit do i blejnë keto maska pikërisht për këtë arsye dhe në fund të fundit, këto maska mund të mbahen si një kujtim i periudhës që të gjithë po kalojmë.

SI

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0