Çfarë fshihet pas përhapjes masive të një prej trendeve më të përfolura të dekadës së fundit? Paqartësia në një botë që çdo sekondë ndryshon dhe ecën shpejt.. Ky është shkaku kryesor pse kaq shumë të rinj (dhe të tjerë) janë kaq të dhënë pas astrologjisë dhe parashikimeve për jetën e tyre.
Paqartësia se ku po shkojmë, stresi i lartë por edhe kultura urbane janë disa nga elementët që kanë kontribuar në krijimin e besimit në astrologji.
Stephen D. Benning, pedagoge në Universitetin e Nevada-s shprehet se njerëzit kanë nevojë të krijojnë kuptim në jetën e tyre, në mënyrë që të ndihen sado pak të sigurtë dhe të qartë për ku po shkojnë dhe për një të ardhme që duket jashtë kontrollit të tyre. Truri ynë është dizajnuar për të patur idenë e qartësisë për jetën dhe të ardhmen dhe kur e tashmja nuk ofron qartësi dhe siguri, e ardhmja bëhet një makth që prodhon ankth dhe frikë tek ne në mënyrë të pavetëdijshme.
Stresi në nivele të larta në ditët e sotme është element tjetër që ka tërhequr kaq shumë njerëz drejt astrologjisë. Parashikimet e astrologjisë për shumë njerëz shërbejnë si mënyrë për t’i dhënë kuptim botës dhe ngjarjeve që ndodhin, për të mos u ndier vetëm dhe për të reduktuar stresin që krijohet nga frika për të ardhmen.
Një element tjetër është zbulimi i karakterit dhe prirjeve personale. Astrologjia ofron mundësi për të kuptuar sado pak veten dhe për të krijuar një imazh për karakterin apo sjelljet e personit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
